കരിക്കിന്റേതായി പുറത്ത് വന്ന് വലിയ ശ്രദ്ധ നേടിയ സീരിസാണ് സാമര്‍ത്ഥ്യ ശാസ്ത്രം. പല സ്ഥലങ്ങളില്‍ പല സാഹചര്യങ്ങളിലായി ജീവിക്കുന്ന അഞ്ച് പേരെ ഒരാള്‍ തട്ടിപ്പിന് ഇരയാക്കുന്നതും ഇവര്‍ നഷ്ടപ്പെട്ട പണത്തിനായി ഒരുമിച്ച് കൂടുന്നതും തുടര്‍ന്ന് നടത്തുന്ന നീക്കങ്ങളിലൂടെയുമാണ് സാമര്‍ത്ഥ്യ ശാസ്ത്രത്തിന്റെ കഥ മുന്നേറുന്നത്.
നിരവധി ഫോളോവേവ്‌സുള്ള യൂട്യൂബറായ വിമല്‍ കുമാറും സീരിസില്‍ ഒരു പ്രധാനകഥാപാത്രത്തെ അവതരിപ്പിച്ചിരുന്നു. ശബരീഷ് അവതരിപ്പിച്ച ജോയ് എന്ന കഥാപാത്രത്തിന്റെ ചേട്ടനായാണ് വിമല്‍ സാമര്‍ത്ഥ്യ ശാസ്ത്രത്തില്‍ എത്തിയത്. തങ്ങളുടെ ചാനലിലെ ഒരു വീഡിയോ ഷൂട്ടിനിടക്ക് തന്നെയായിരുന്നു കരിക്കിന്റെ സീരിസില്‍ അഭിനയിച്ചതെന്ന് പറയുകയാണ് വിമല്‍. മൈല്‍ സ്റ്റോണ്‍ മേക്കേഴ്‌സ് നടത്തിയ അഭിമുഖത്തിലായിരുന്നു കരിക്കിന്റെ സീരിസില്‍ അഭിനയിച്ചതിനെ പറ്റി വിമലും പങ്കാളിയായ ജിസ്മയും സംസാരിച്ചത്.
‘കരിക്കിലെ വര്‍ക്ക് ഒരു വര്‍ഷം മുമ്പ് ചെയ്തതാണ്. അന്ന് മുടിയുണ്ടായിരുന്നു. അന്ന് തന്നെയാണ് ഞങ്ങളുടെ ചാനലില്‍ 19 ഡെയ്‌സ് ചലഞ്ച് ചെയ്തുകൊണ്ടിരിക്കുകയാണ്. അതിന്റെ ഷൂട്ട് ഇടുക്കിയിലായാരുന്നു. ആ ഷൂട്ടിനിടയിലും അഞ്ചുമണിയാവുമ്പോള്‍ വര്‍ക്ക് ഔട്ട് ചെയ്യും.
ചാനല്‍ നടത്തുന്ന ബുദ്ധിമുട്ട് അവര്‍ക്കും അറിയാമല്ലോ. അവരും നമ്മുടെ കണ്ടന്റ് കാണാറുണ്ട് എന്നാണ് എനിക്ക് തോന്നുന്നത്. അപ്പോള്‍ നമ്മള്‍ എത്രത്തോളം ഹാര്‍ഡ് വര്‍ക്ക് ചെയ്യുന്നുണ്ടെന്ന് മനസിലായി,’ വിമല്‍ പറഞ്ഞു.
വിമലിനൊപ്പം താനും കരിക്കിന്റെ ഷൂട്ടിനുണ്ടായിരുന്നുവെന്ന് ജിസ്മയും അഭിമുഖത്തിനിടക്ക് പറഞ്ഞിരുന്നു. ‘പ്രധാനമായും കരിക്കിന്റെ ക്രൂവിന് നന്ദി പറയുന്നു. വിമലിനെ വിളിച്ചുകൊണ്ടുപോകുന്ന സമയത്ത് 19 ഡെയ്‌സ് ചലഞ്ച് ഞാന്‍ ഒറ്റക്ക് ചെയ്യേണ്ടി വരുമോയെന്ന് ചോദിച്ചിരുന്നു. ഇങ്ങോട്ട് പോര്, കുഴപ്പമില്ല എന്ന് അവര്‍ പറഞ്ഞു. എല്ലാം പെറുക്കികെട്ടി ഞാനും കൂടെ പോയി. എനിക്കും അവരവിടെ സ്‌റ്റേ തന്നു, ഫുഡ് തന്നു, വര്‍ക്ക്ഔട്ട് ചെയ്യാന്‍ ഫ്‌ളോര്‍ തന്നു, കറക്ട് സമയമാവുമ്പോള്‍ ഇവനെ വിട്ടുതന്നു, അഭിനയിക്കുന്നോ എന്ന് വരെ എന്നോട് ചോദിച്ചു. ഞാന്‍ വേണ്ടെന്ന് പറഞ്ഞു.
നിങ്ങള്‍ കുറെ കഷ്ടപ്പെടുന്നുണ്ട് കേട്ടോ, എന്തായാലും റിസള്‍ട്ട് കിട്ടുമെന്നൊക്കെ ശബരീഷും എല്ലാവരും പറയുമായിരുന്നു, ഭയങ്കര ഫ്രണ്ട്‌ലി ആന്‍ഡ് ഹെല്‍പ്ഫുള്ളായ ആളുകളായിരുന്നു,’ ജിസ്മ പറഞ്ഞു.
Content Highlight: you tubers vimal and jisma talks about karikk