യുദ്ധമാണ് നടക്കുന്നത്; പോരാളികളെ നിരുത്സാഹപ്പെടുത്തരുത്; ഡോക്ടര്‍മാര്‍ക്ക് ശമ്പളം നല്‍കാത്തതില്‍ സുപ്രീം കോടതി
ഡൂള്‍ന്യൂസ് ഡെസ്‌ക്
Friday, 12th June 2020, 3:34 pm
ന്യൂദല്‍ഹി: കൊവിഡ് 19 നെതിരെ പോരാടുന്ന ഡോക്ടര്‍മാര്‍ക്ക് മാസങ്ങളായി ശമ്പളവും ആനുകൂല്യവും നല്‍കാത്ത സര്‍ക്കാര്‍ നടപടിയില്‍ വിമര്‍ശനവുമായി സുപ്രീം കോടതി.
‘ ഒരു യുദ്ധം നടക്കുമ്പോള്‍ അതില്‍ പങ്കെടുക്കുന്ന പോരാളികളെ നിരുത്സാഹപ്പെടുത്താന്‍ പാടില്ല’ എന്നായിരുന്നു സുപ്രീം കോടതിയുടെ പരാമര്‍ശം. കുറച്ച് ബുദ്ധിമുട്ടിയിട്ടാണെങ്കിലും ആരോഗ്യപ്രവര്‍ത്തകര്‍ക്ക് സാമ്പത്തികമായ പിന്തുണ നല്‍കേണ്ടതുണ്ടെന്നും വിഷയത്തില്‍ സര്‍ക്കാര്‍ എത്രയും പെട്ടെന്ന് നടപടികള്‍ കൈക്കൊള്ളേണ്ടതുണ്ടെന്നും സുപ്രീം കോടതി നിരീക്ഷിച്ചു.
കൊവിഡിനെതിരായ ഈ യുദ്ധത്തില്‍ പോരാളികളായ ആരോഗ്യപ്രവര്‍ത്തകര്‍ തളര്‍ന്നുപോയാല്‍ അത് രാജ്യത്തിനും ജനങ്ങള്‍ക്കും ദോഷം ചെയ്യുമെന്നും ജസ്റ്റിസ് അശോക് ഭൂഷണും എസ്.കെ കൗളും എം.ആര്‍ ഷായും അധ്യക്ഷനായ ബെഞ്ച് പറഞ്ഞു.
