'അമിത് ഭായ്, ഇന്ത്യയുടെ യഥാര്‍ത്ഥ ഉരുക്കുമനുഷ്യന്‍ നിങ്ങളാണ്'; ഗുജറാത്തും ഇപ്പോള്‍ ഇന്ത്യയും അമിത് ഷായെ കൊണ്ട് അനുഗ്രഹീതമായെന്ന് മുകേഷ് അംബാനി
ഡൂള്‍ന്യൂസ് ഡെസ്‌ക്
Friday, 30th August 2019, 11:41 am
മുംബൈ: അഭ്യന്തരമന്ത്രി അമിത് ഷായെ പുകഴ്ത്തി റിലയന്‍സ് ഇന്‍ഡസ്ട്രീസ് ചെയര്‍മാന്‍ മുകേഷ് അംബാനി. യഥാര്‍ത്ഥ കര്‍മ്മയോഗിയും ഇന്ത്യയുടെ ഉരുക്കു മനുഷ്യനും അമിത് ഷായാണെന്ന് മുകേഷ് അംബാനി പറഞ്ഞു.
ഇന്ത്യയുടെ ആദ്യത്തെ ആഭ്യന്തരമന്ത്രിയായ സര്‍ദാര്‍ വല്ലഭായ് പട്ടേലിനെയാണ് രാജ്യത്തിന്റെ ഉരുക്കുമനുഷ്യനെന്ന് വിശേഷിപ്പിക്കുന്നത്. ഇപ്പോള്‍ ആര്‍.എസ്.എസ് സൈദ്ധാന്തികനായ പണ്ഡിറ്റ് ദീന്‍ ദയാല്‍ ഉപാധ്യായയുടെ പേരില്‍ നിര്‍മ്മിച്ച ദീന്‍ദയാല്‍ പെട്രോളിയും സര്‍വകലാശാലയുടെ കോണ്‍വൊക്കേഷനിടെയാണ് അംബാനി അമിത് ഷായെ പുകഴ്ത്തിയത്.
