കളത്തിലിറങ്ങി യോഗി; മോദിയെ കാണാന്‍ ദല്‍ഹിയിലെത്തി
ഡൂള്‍ന്യൂസ് ഡെസ്‌ക്
Thursday, 10th June 2021, 4:14 pm
ന്യൂദല്‍ഹി: പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തുന്നതിനു വേണ്ടി യു.പി മുഖ്യമന്ത്രി
യോഗി ആദിത്യ നാഥ് ദല്‍ഹിയിലെത്തി.
യു.പി ബി.ജെ.പിയില്‍ ആശങ്കാക്കുഴപ്പം നിലനില്‍ക്കുന്ന സാഹചര്യത്തിലാണ് കൂടിക്കാഴ്ച. ബി.ജെ.പി ദേശീയ അധ്യക്ഷന്‍ ജെ.പി നദ്ദയുമായും കേന്ദ്ര ആഭ്യന്തരമന്ത്രി അമിത് ഷായുമായും ആദിത്യ നാഥ് കൂടിക്കാഴ്ച നടത്തും. രണ്ട് ദിവസം ആദിത്യനാഥ് ദല്‍ഹിയില്‍ ചെലവഴിക്കുമെന്നാണ് റിപ്പോര്‍ട്ട്.
യോഗി സര്‍ക്കാരില്‍ പുന:സംഘടന നടത്താന്‍ ബി.ജെ.പി ശ്രമം നടത്തുന്നതായി നേരത്തെ തന്നെ വാര്‍ത്തകള്‍ ഉണ്ടായിരുന്നു.
തെരഞ്ഞെടുപ്പ് ജയത്തിനായി സംസ്ഥാന നേതൃത്വത്തിലും സര്‍ക്കാരിലും പുന:സംഘടന നടത്തുമെന്നായിരുന്നു റിപ്പോര്‍ട്ട്. ഇതിനിടയിലാണ് ആദിത്യനാഥ് പ്രധാനമന്ത്രിയുമായി കൂടിക്കാഴ്ച നടത്തുന്നത്.
