മഥുരയില്‍ മദ്യവും മാസവും വേണ്ടെന്ന് യോഗി; പാല് വില്‍ക്കാന്‍ നിര്‍ദ്ദേശം
ഡൂള്‍ന്യൂസ് ഡെസ്‌ക്
Tuesday, 31st August 2021, 12:34 pm
ലഖ്‌നൗ: ഉത്തര്‍പ്രദേശിലെ മഥുരയില്‍ മാംസവും മദ്യവും വില്‍ക്കുന്നത് പൂര്‍ണമായി നിരോധിച്ച് യു.പി സര്‍ക്കാര്‍. മുഖ്യമന്ത്രി യോഗി ആദിത്യനാഥാണ് ഇക്കാര്യം അറിയിച്ചത്.
നിരോധനത്തിനായുള്ള പദ്ധതികള്‍ ആസൂത്രണം ചെയ്യാന്‍ ബന്ധപ്പെട്ട ഉദ്യോഗസ്ഥര്‍ക്ക് നിര്‍ദ്ദേശം നല്‍കയതായി ആദിത്യനാഥ് പറഞ്ഞു.
മഥുരയില്‍ മദ്യം, മാംസ കച്ചവടം നടത്തിയിരുന്നവര്‍ പാല് വില്‍പനയിലേക്ക് ശ്രദ്ധ തിരിക്കണമെന്ന് യോഗി നിര്‍ദ്ദേശിച്ചു.
വലിയ അളവില്‍ പാല് ഉത്പാദിപ്പിക്കപ്പെടുന്ന മഥുരയുടെ മഹത്വം പുനരുജ്ജീവിപ്പിക്കാന്‍ പാല് വില്‍ക്കുന്നതിലൂടെ മദ്യവും മാംസവ്യാപാരവും നടത്തുന്നവര്‍ക്ക് കഴിയുമെന്നാണ് ആദിത്യനാഥ് പറയുന്നത്.
