ഷഹീന്‍ ബാഗിലെ പ്രതിഷേധക്കാര്‍ക്ക് കെജ്‌രിവാള്‍ സര്‍ക്കാര്‍ ബിരിയാണി നല്‍കുന്നു: യോഗി ആദിത്യനാഥ്
ഡൂള്‍ന്യൂസ് ഡെസ്‌ക്
Saturday, 1st February 2020, 10:04 pm
ന്യൂദല്‍ഹി: ദല്‍ഹിയിലെ ഷഹീന്‍ ബാഗില്‍ പൗരത്വ ഭേദഗതി നിയമത്തിനെതിരെ ശക്തമായ പ്രതിഷേധങ്ങള്‍ നടന്നുകൊണ്ടിരിക്കെ ദല്‍ഹി സര്‍ക്കാരിനെതിരെയും പ്രതിഷേധക്കാര്‍ക്കെതിരെയും ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ്.
ശനിയാഴ്ച ഷഹീന്‍ബാഗില്‍ പ്രതിഷേധിച്ചവര്‍ക്ക് കെജ്‌രിവാള്‍ സര്‍ക്കാര്‍ ബിരിയാണി നല്‍കിയെന്നാണ് യോഗി ആദിത്യനാഥ് പറഞ്ഞത്. ‘ദല്‍ഹിയിലെ ജനങ്ങള്‍ക്ക് കുടിവെള്ളം എത്തിക്കാന്‍ കെജ്‌രിവാളിന് സാധിക്കുന്നില്ല. ഒരു സര്‍വേ പറയുന്നതു പ്രകാരം ദല്‍ഹിയിലാണ് ഏറ്റവും മലിനമായ ജലം ഉപയോഗിക്കുന്നത്. എന്നിട്ടാണ് കെജ്‌രിവാള്‍ സര്‍ക്കാര്‍ ഷഹീന്‍ ബാഗിലും മറ്റും പ്രിതിഷേധിക്കുന്നകവര്‍ക്ക് ബിരിയാണി കൊടുക്കുന്നത്,’ യോഗി ആദിത്യനാഥ് പറഞ്ഞു.
