നീണ്ട ഇടവേളക്ക് ശേഷം മലയാളികളുടെ ശാരി വീണ്ടും വെള്ളിത്തിരയില്‍; പുതിയ ചിത്രം 'വിഡ്ഢികളുടെ മാഷി'ലെ ഗാനം പുറത്തുവിട്ടു
എന്റര്‍ടെയിന്‍മെന്റ് ഡെസ്‌ക്
Monday, 13th December 2021, 9:44 am
കൊച്ചി: മലയാളികളുടെ ഇഷ്ടതാരങ്ങളില്‍ ഒരാളാണ് ശാരി. എണ്‍പതുകളില്‍ മികച്ച സിനിമകളാണ് ശാരിയുടെതായി പുറത്തുവന്നിരുന്നത്. നമുക്ക് പാര്‍ക്കാന്‍ മുന്തിരി തോപ്പുകള്‍, ദേശാടന കിളികള്‍ കരയാറില്ല തുടങ്ങി നിരവധി ചിത്രങ്ങള്‍ ഇന്നും ആരാധകരുടെ ഇഷ്ടം പിടിച്ചുപറ്റുന്നതാണ്.
ഒരിടവേളക്ക് ശേഷം ശാരി വീണ്ടും മലയാളസിനിമയിലേക്ക് തിരികെ എത്തുകയാണ്. അനീഷ് വി.എ. സംവിധാനം ചെയ്യുന്ന വിഡ്ഢികളുടെ മാഷ് എന്ന ചിത്രത്തിലൂടെയാണ് ശാരി വീണ്ടും മലയാളത്തില്‍ എത്തുന്നത്.
ശാരിക്ക് പുറമെ ദിലീപ് മോഹന്‍, അഞ്ജലി നായര്‍ എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്.
