ചെന്നൈ: ലോകമെമ്പാടുമുള്ള ആരാധകര്‍ ഏറേ പ്രതീക്ഷകളോടെ കാത്തുനില്‍ക്കുന്ന രജനീകാന്തിന്റെ സൂപ്പര്‍ ഹിറ്റ് ചിത്രം യെന്തിരന്റെ രണ്ടാം ഭാഗമായ 2.0 യുടെ മേക്കിങ് വീഡിയോ പുറത്തിറങ്ങി.
രജനീകാന്ത്, അക്ഷയ് കുമാര്‍, എമി ജാക്‌സ്ണ്‍ തുടങ്ങിയവര്‍ പ്രധാന വേഷത്തില്‍ അഭിനയിക്കുന്ന ചിത്രത്തിന്റെ സംഗീത സംവിധായകന്‍ ഓസ്‌കാര്‍ ജേതാവ് എ.ആര്‍ റഹ്മാനാണ്.
ചിത്രത്തില്‍ വില്ലനായെത്തുന്ന അക്ഷയ് കുമാറും സംഗീതസംവിധായകന്‍ എ.ആര്‍ റഹ്മാനുമാണ് ചിത്രത്തിന്റെ മേക്കിങ് വീഡിയോ പുറത്ത് വിട്ടത്. വീഡിയോ ഇതിനോടകം യൂട്യൂബില്‍ ഒന്നാം സ്ഥാനത്തെത്തി.
രജനികാന്ത്-ശങ്കര്‍ കൂട്ടുകെട്ടിലൊരുങ്ങുന്ന ചിത്രത്തിന്റെ റിലീസ് 2017 ഒക്ടോബറിലായിരുന്നു നടത്താന്‍ തീരുമാനിച്ചിരുന്നത് എന്നാല്‍ ചില സാങ്കേതിക ബുദ്ധിമുട്ടുകളാല്‍ 2018 ജനുവരി 25ലേക്ക് റിലീസ് മാറ്റി വെക്കുകയായിരുന്നു.
ഹോളിവുഡ് സൂപ്പര്‍ ഹിറ്റ്മൂവി ട്രാന്‍സ് ഫോര്‍മേഴ്‌സിന്റെ ആക്ഷന്‍ ഡയറക്ടര്‍ കെന്നി ബേറ്റ്‌സ് ആണ് 2.0 വിന്റെ ആക്ഷന്‍ ഒരുക്കുന്നത്.