അജിത്തിന്റെ പുതിയ ചിത്രം “യെന്നൈ അറിന്താലി”ന്റെ ടീസര്‍ വന്‍ ഹിറ്റ്. 48 മണിക്കൂറിനുള്ളില്‍ 2 മില്ല്യണ്‍ ആളുകളാണ് ടീസര്‍ കാണുവാനായി യൂട്യൂബ് സന്ദര്‍ശിച്ചത്. സോണി മ്യൂസിക് യൂട്യൂബ് ചാനലിലുള്ള ടീസര്‍ ഇതിനകം തന്നെ 54000 ലൈക്കുകളാണ് നേടിയത്. ആരാധകര്‍ ഏറെ പ്രതീക്ഷയോടെയാണ് ചിത്രത്തെ വരവേല്‍ക്കാന്‍ തയാറെടുക്കുന്നത്.
“വാരണം ആയിരം” എന്ന സൂപ്പര്‍ ഹിറ്റ് പുറത്തിറങ്ങി ആറ് വര്‍ഷം കഴിഞ്ഞ് സംവിധായകനായ ഗൗതം മേനോന്‍ സംഗീത സംവിധായകന്‍ ഹാരിസ് ജയരാജ് എന്നിവര്‍ വീണ്ടും ഒന്നിക്കുന്നു എന്ന പ്രത്യേകതയും ഈ ചിത്രത്തിനുണ്ട്. ചിത്രത്തില്‍ മൂന്ന് വ്യത്യസ്തമായ ലുക്കുളിലാണ് അജിത് എത്തുന്നത്.
തൃഷയും അനുഷ്‌ക്കയുമാണ് ചിത്രത്തില്‍ അജിത്തിന്റെ നായികമാര്‍. അരുണ്‍ വിജയ്, പാര്‍വ്വതി നായര്‍, വിവേക്, തലൈവാസല്‍ വിജയ് തുടങ്ങിയവരും ചിത്രത്തില്‍ അണി നിരക്കുന്നുണ്ട്. എന്ത് തന്നെയായാലും അടുത്ത പൊങ്കലിന് ഈ ആക്ഷന്‍ ചിത്രം തിയറ്ററുകളില്‍ എത്തും.