യെദ്യൂരപ്പ മുഖ്യമന്ത്രിയാവണമെന്ന് നിര്‍ദേശം; നെറികെട്ട കുതിര കച്ചവടത്തില്‍ രാഷ്ട്രീയ ധാര്‍മ്മികത നഷ്ടപ്പെട്ടുവെന്ന് കോണ്‍ഗ്രസ്
ഡൂള്‍ന്യൂസ് ഡെസ്‌ക്
Tuesday, 23rd July 2019, 8:45 pm
ബെംഗ്‌ളൂരു: കര്‍ണ്ണാടകയില്‍ ബി.ജെ.പി നടത്തിയ കുതിരകച്ചവടത്തില്‍ രാഷ്ട്രീയ ധാര്‍മ്മികതയും മൂല്യങ്ങളും നഷ്ടപ്പെട്ടുവെന്ന് എ.ഐ.സി.സി ജനറല്‍ സെക്രട്ടറി കെ.സി വേണുഗോപാല്‍. കര്‍ണ്ണാടകയില്‍ വിശ്വാസവോട്ടെടുപ്പില്‍ കോണ്‍ഗ്രസ്- ജെ.ഡി.എസ് സഖ്യ സര്‍ക്കാര്‍ പരാജയപ്പെട്ടതിന് പിന്നാലെയായിരുന്നു വേണുഗോപാലിന്റെ പ്രതികരണം.
വിശ്വാസ വോട്ടെടുപ്പില്‍ കോണ്‍ഗ്രസ് ജെ.ഡി.എസ് സര്‍ക്കാരിന് 99 പേരുടെ പിന്തുണ മാത്രമാണ് ലഭിച്ചത്. 105 അംഗങ്ങള്‍ വിശ്വാസ പ്രമേയത്തെ എതിര്‍ത്തു.വിശ്വാസവോട്ടെടുപ്പില്‍ പരാജയപ്പെട്ടതിന് പിന്നാലെ കുമാരസ്വാമി രാജി സമര്‍പ്പിക്കുന്നതിനായി രാജ്ഭവനിലെത്തി. വിമത എം.എല്‍.എമാര്‍ നാളെ ബെംഗ്‌ളൂരുവില്‍ എത്തും.
