ആയിരം അനുയായികള്‍ക്കൊപ്പം ഇസ്രഈലില്‍ സ്ഥിരതാമസമാക്കണം; നെതന്യാഹുവിനോട് ആഗ്രഹം പ്രകടിപ്പിച്ച് യതി നരസിംഹാനന്ദ് സരസ്വതി
ഡൂള്‍ന്യൂസ് ഡെസ്‌ക്
Saturday, 14th October 2023, 6:38 pm
ലഖ്‌നൗ: തന്റെ ആയിരം അനുയായികള്‍ക്കൊപ്പം ഇസ്രഈലില്‍ സ്ഥിരതാമസമാക്കാന്‍ ആഗ്രഹിക്കുന്നുവെന്ന് ഗാസിയാബാദിലെ ദസ്‌നാ ദേവി ക്ഷേത്രത്തിലെ പ്രധാന പുരോഹിതന്‍ യതി നരസിംഹാനന്ദ് സരസ്വതി. വിദ്വേഷ പ്രസ്താവനകളിലൂടെ കുപ്രസിദ്ധിയാര്‍ജിച്ച യതി നരസിംഹാനന്ദ് ഇസ്രഈല്‍ പ്രധാനമന്ത്രി ബെഞ്ചമിന്‍ നെതന്യാഹുവിനോട് ഇക്കാര്യം ആവശ്യപ്പെട്ടുകൊണ്ട് ചെയ്ത വീഡിയോ സമൂഹ മാധ്യമങ്ങളില്‍ പ്രചരിക്കുകയായിരുന്നു.
തന്നെയും തന്റെ ശിഷ്യന്മാരെയും രാജ്യത്ത് സ്ഥിരതാമസമാക്കാന്‍ അനുവദിക്കണമെന്ന് നരസിംഹാനന്ദ് ഇസ്രഈലിലെ മത-രാഷ്ട്രീയ നേതാക്കളോട് അഭ്യര്‍ത്ഥിക്കുന്നതായി വീഡിയോയില്‍ കാണാം. നരസിംഹാനന്ദ് തന്റെ ശിഷ്യന്മാര്‍ക്കൊപ്പം ഇരുന്ന് സംസാരിക്കുന്ന വീഡിയോയില്‍ ഇസ്രഈലും ഇന്ത്യയും ഒരേ ശത്രുക്കളോട് പോരാടുകയാണെന്നും പറയുന്നു.
