ക്യാമറയ്ക്ക് മുന്നില്‍ മുതല കണ്ണീര്‍ പൊഴിക്കുകയല്ല വേണ്ടത്; മോദിയുടെ അഭിനയം കണ്ടുമടുത്തെന്ന് ബി.ജെ.പി മുന്‍ നേതാവ് യശ്വന്ത് സിന്‍ഹ
ഡൂള്‍ന്യൂസ് ഡെസ്‌ക്
Friday, 21st May 2021, 9:38 pm
ന്യൂദല്‍ഹി: പ്രധാനമന്ത്രിയുടെ ദിവസേനയുള്ള അഭിനയം കണ്ട് മടുത്തെന്ന് മുന്‍ ബി.ജെ.പി നേതാവും കേന്ദ്ര മന്ത്രിയുമായിരുന്ന യശ്വന്ത് സിന്‍ഹ
മുഖ്യമന്ത്രിമാരുമായി കൂടിചേര്‍ന്ന് കൊവിഡ് പ്രതിരോധത്തിനായി ശക്തമായ നീക്കങ്ങളാണ് തങ്ങള്‍ക്ക് വേണ്ടത് അല്ലാതെ ക്യാമറയ്ക്ക് മുന്നില്‍ മുതല കണ്ണീര്‍ പൊഴിക്കുകയല്ല വേണ്ടതെന്നും അദ്ദേഹം പറഞ്ഞു.
ഉത്തര്‍പ്രദേശിലെ വാരണാസിയില്‍ ആരോഗ്യ പ്രവര്‍ത്തകരെ അഭിസംബോധന ചെയ്ത് സംസാരിക്കവെ കൊവിഡ് മരണങ്ങളെക്കുറിച്ച് പറഞ്ഞ് മോദി വിതുമ്പിയതായി റിപ്പോര്‍ട്ട് ഉണ്ടായിരുന്നു.
കൊവിഡ് രോഗബാധയെ തുടര്‍ന്ന് നിരവധി മരണങ്ങളാണ് രാജ്യത്ത് ഉണ്ടായതെന്നു പറഞ്ഞ പ്രധാനമന്ത്രി യോഗത്തിനിടെ വികാരഭരിതനാവുകയായിരുന്നു.
