മലിംഗയുടെ മുഖത്തെ ആവേശം പറയും ഗ്രൗണ്ടില്‍ നടന്നതെന്താണെന്ന്; ഇവനൊക്കെ ഉള്ളപ്പോള്‍ ഇന്ത്യയുടെ ഭാവി എങ്ങനെ വെള്ളത്തിലാവും
സ്പോര്‍ട്സ് ഡെസ്‌ക്
Sunday, 30th April 2023, 9:46 pm
ഐ.പി.എല്ലിന്റെ ചരിത്രത്തിലെ മില്ലേനിയം മാച്ചില്‍ പടുകൂറ്റന്‍ ടോട്ടലുമായി രാജസ്ഥാന് റോയല്‍സ്. നിശ്ചിത ഓവറില്‍ ഏഴ് വിക്കറ്റ് നഷ്ടത്തില്‍ 212 റണ്‍സാണ് രാജസ്ഥാന് നേടിയത്.
യുവതാരം യശസ്വി ജെയ്‌സ്വാളിന്റെ തകര്‍പ്പന്‍ വെടിക്കെട്ടാണ് രാജസ്ഥാന് പടുകൂറ്റന്‍ സ്‌കോര്‍ സമ്മാനിച്ചത്. 61 പന്തില്‍ നിന്നും 124 റണ്‍സാണ് താരം നേടിയത്. 200 എന്ന തകര്‍പ്പന്‍ സ്‌ട്രൈക്ക് റേറ്റിലായിരുന്നു താരത്തിന്റെ വെടിക്കെട്ട്.
Azad Maidan se Wankhede. Apna time aagaya, Jaiswal! 💗 pic.twitter.com/H2Yqupeiu6
— Rajasthan Royals (@rajasthanroyals) April 30, 2023
ഈ സീസണിലെ ഏറ്റവുമയര്‍ന്ന സ്‌കോറാണിത്. ഈ വെടിക്കെട്ടിന് പിന്നാലെ റണ്‍ വേട്ടക്കാരുടെ പട്ടികയില്‍ ഒന്നാമതെത്താനും ജെയ്‌സ്വാളിനായി.
