യമഹയുടെ പവര്‍ബൈക്ക് ഫേസര്‍ ഇനി മൂന്നു പുത്തന്‍ നിറങ്ങളില്‍ ലഭിക്കും. സ്‌നോസ്‌റ്റോം വൈറ്റ്, ഷാര്‍ക്ക് വൈറ്റ്, വൈപ്പര്‍ ബ്ലാക്ക് ആന്‍ഡ് അലിഗേറ്റര്‍ ഗ്രീന്‍ എന്നീ നിറങ്ങളാണ് പുതിയ വേര്‍ഷനുകള്‍ക്ക് കമ്പനി നല്‍കിയിരിക്കുന്നത്. ഫേസറിന്റെ റവൈന്‍ ബ്ലാക്ക്, വോള്‍ക്കാനോ റെഡ് എന്നീ നിറങ്ങള്‍ ഇപ്പോള്‍ത്തന്നെ ഷോറൂമുകളില്‍ ലഭ്യമാണ്.
കളറുകള്‍ക്ക് പുറമേ ഇന്ധനക്ഷമത വര്‍ദ്ധിപ്പിക്കാനായി “ഫ്യുവല്‍ ഇഞ്ചക്ടര്‍” ചെക്‌നോളജി പുതിയ വേര്‍ഷനുകളില്‍ ഉള്‍പ്പെടുത്തിയിട്ടുണ്ട്. ഇറങ്ങിയ കാലംതൊട്ട് മാര്‍ക്കറ്റില്‍ ഏറ്റവും ഡിമാന്റുള്ള ബൈക്കുകളിലൊന്നാണ ഫേസര്‍്. 82,000നും 88,000നും ഇടയിലാണ് ഫേസറിന്റെ വിവിധ മോഡലുകളുടെ വില. 153 സിസിയാണ് എഞ്ചിന്‍ ഡിസ്‌പ്ലേസ്‌മെന്റ്.
കഴിഞ്ഞ വര്‍ഷത്തെക്കാള്‍ 15% വളര്‍ച്ച ഈ വര്‍ഷം യമഹ കമ്പനിക്കുണ്ടായതായാണ് പുതിയ കണക്കുകള്‍ കാണിക്കുന്നത്. എഫ് സെഡ്, ഫേസര്‍ എന്നീ ബൈക്കുകളും യമഹയുടെ സ്‌കൂട്ടര്‍ ആല്‍ഫയും വലിയരീതിയില്‍ വിറ്റുപോയതാണ് ഈ നേട്ടത്തിനു കാരണം.