[]ക്‌സോളോ തങ്ങളുടെ ക്യു സ്മാര്‍ട്‌ഫോണ്‍ സീരീസ് വികസിപ്പിച്ചുകൊണ്ടിരിക്കുകയാണ്. ഇപ്പോഴിതാ ക്യു1100 എന്നൊരു മോഡല്‍ കൂടി പുറത്തിറക്കിയിരിക്കുകയാണ് ക്‌സോളോ.
ആന്‍ഡ്രോയ്ഡ് 4.3യിലാണ് ഫോണ്‍ പ്രവര്‍ത്തിക്കുന്നത്.
ഡ്യുവല്‍ സിം സൗകര്യമുള്ളതാണ് ക്‌സോളോ ക്യു 1100. 720 ഗുണം 1280 പിക്‌സെല്‍ റെസൊല്യൂഷനോട് കൂടിയ അഞ്ച് ഇഞ്ചിന്റെ എച്ച്.ഡി ഐ.പി.എസ് ഡിസ്‌പ്ലേയാണ് ഫോണിന്റേത്.
ബി.എസ്.ഐ 2 സെന്‍സര്‍, എല്‍.ഇ.ഡി ഫ്‌ലാഷ് എന്നിവയോട് കൂടിയ 8 മെഗാപിക്‌സെലിന്റെ റിയര്‍ ക്യാമറ, 2 മെഗാപിക്‌സെലിന്റെ ഫ്രണ്ട് ഫേസിംഗ് ക്യാമറ എന്നിവ ഫോണിലെ ക്യാമറ സവിശേഷതകളാണ്.
32 ജി.ബി വരെ മൈക്രോ എസ്.ഡി കാര്‍ഡ് വഴി വികസിപ്പിക്കാവുന്ന 8 ജി.ബിയുടെ ഇന്‍ബില്‍ട് സ്റ്റോറേജ് ആണ് ഫോണിലുള്ളത്.
വൈ-ഫൈ, ജി.പി.എസ്, EDGE, എ.ജി.പി.എസ്, ജി.പി.ആര്‍.എസ്, ത്രീ-ജി തുടങ്ങിയവയാണ് ഫോണിലെ കണക്ടിവിറ്റി സൗകര്യങ്ങള്‍.
200 എം.എ.എച്ചിന്റെ ബാറ്ററിയാണ് ഫോണിലുള്ളത്. ബ്ലാക്ക് നിറത്തിലാണ് ക്‌സോളോ ക്യു 1100 ലഭിക്കുക.
വ്യാഴാഴ്ച്ചയാണ് ക്‌സോളോ എ500ക്ലബ് സ്മാര്‍ട്‌ഫോണ്‍ 7,099 രൂപക്ക് ഇന്ത്യന്‍ വിപണിയില്‍ അവതരിപ്പിച്ചത്.