ഇപ്പോള്‍ പുറത്തിറക്കിയ ഷവോമിയുടെ റെഡ്മി നോട്ട് 3ജി വേര്ഷന് 8,999 രൂപയാണ് വില. 4ജി വേര്ഷന് എത്രയും പെട്ടെന്ന് തന്നെ ഇന്ത്യയിലെത്തിക്കുമെന്നു കമ്പനി പറഞ്ഞു.
ഡിസംബര്‍ 2 മുതല്‍ ഫ്‌ളിപ്പ്കാര്‍ട്ട് വഴി റെഡ്മി നോട്ട് ലഭ്യമാവും. നവംബര്‍ 25ന് വൈകുന്നേരം ആറ് മുതല്‍ മുന്‍കൂര്‍ ഓര്‍ഡറുകള്‍ സ്വീകരിക്കപ്പെടുമെന്നും കമ്പനി പറഞ്ഞു.
ഷവോമിയുടെ 5.5 ഇഞ്ചുള്ള ഈ സ്മാര്‍ട്ട്‌ഫോണില്‍ ഒക്ട കോര്‍ MTK 6592 1.7GHz പ്രൊസസ്സറാണ് ഉപയോഗിച്ചിരിക്കുന്നത്. 13 മെഗാപിക്‌സല്‍ റിയര്‍ ക്യാമറയും 5 മെഗാപിക്‌സല്‍ ഫ്രണ്ട് ക്യാമറയുമാണ് ഈ ഫോണിലുള്ളത്. റെഡ്മി 1എസിന്റേതിന് സമാനമായ
1280×720 ഡിസ്‌പ്ലെ റസല്യൂഷനാണ് ഈ സ്മാര്‍ട്ട്‌ഫോണിനുമുള്ളത്.
2GB RAM ഉം 8ജിബി ഇന്റേണല്‍ മെമ്മറി(32ജിബി വരെ എക്‌സ്പാന്റബിള്‍)യും ഉണ്ട്. 3100mAh ബാറ്ററിയാണ് ഈ ഡുവല്‍ സിം ഫോണിനുളളത്.
ഇന്ത്യയില്‍ ഷവോമി ഫോണുകള്‍ക്ക് വന്‍ സ്വീകാര്യതയാണുള്ളത്. ജൂലൈയില്‍ ഇന്ത്യയില്‍ ലോഞ്ച് ചെയ്ത 10,000 ഫോണുകള്‍ക്ക് 1,00,000 ആളുകളാണ് മുന്‍കൂര്‍ രജിസ്റ്റര്‍ ചെയ്തത്.