ഇന്റര്‍നാഷണല്‍ ചാമ്പ്യന്‍സ് കപ്പില്‍ മാഞ്ചസ്റ്റര്‍ യുണൈറ്റഡിനെതിരെ തകര്‍പ്പന്‍ ജയം സ്വന്തമാക്കി ലിവര്‍പൂള്‍. ഒന്നിനെതിരെ നാല് ഗോളുകള്‍ക്കാണ് യുണൈറ്റഡിനെ ലിവര്‍പൂള്‍ തകര്‍ത്തത്. മത്സരത്തില്‍ തകര്‍പ്പന്‍ ബൈസിക്കിള്‍ കിക്കിലൂടെയുള്ള ഗോളാക്കിയ ഷാക്കിരിയുടെ പ്രകടനമാണ് ആരാധകരെ ആവേശം കൊള്ളിച്ചത്.
ഈ സീസണില്‍ സ്റ്റോക്ക്സിറ്റിയില്‍ നിന്ന് 13 മില്യണ്‍ പൗണ്ടിന് എത്തിയ സ്വിറ്റ്സര്‍ലന്‍ഡിന്റെ ഷര്‍ദന്‍ ഷാക്കിരി 82ാം മിനിറ്റിലാണ് ഗോള്‍ നേടിയത്. നാലാമെത്തെ ഗോളായിരുന്നു അത്.
Xherdan Shaqiri already doing Xherdan Shaqiri things in a Liverpool shirt ?♂️ pic.twitter.com/LJgmesjozN
— B/R Football (@brfootball) July 29, 2018
പകരക്കാരനായി രണ്ടാം പകുതിയിലായിരുന്നു ഷാക്കിരി കളത്തിലെത്തിയത്. സ്റ്ററിഡ്ജ് നേടിയ ഗോളിന് വഴിയൊരുക്കിയതും ഷാക്കിരിയായിരുന്നു. സാദിയോ മാനെ(28ാം മിനുറ്റ്) ഡാനിയേല്‍ സ്റ്ററിഡ്ജ്(66) ഷെയി ഓജോ(74 പെനല്‍റ്റി) എന്നിവരാണ് ലിവര്‍പൂളിനായി ഗോള്‍ നേടിയത്. ആദ്യ പകുതിയില്‍ ഇറങ്ങിയെങ്കിലും സൂപ്പര്‍താരം സലാഹിന് ഗോള്‍ നേടാനായില്ല. എന്നാല്‍ മാഞ്ചസ്റ്റര്‍ യുണൈറ്റഡില്‍ പ്രമുഖര്‍ കളിച്ചിരുന്നില്ല. ആന്‍ഡ്രേസ് പെരേ ആയിരുന്നു യുണൈറ്റിനായി ഗോള്‍ നേടിയത്.
അതേസമയം ഷാക്കിരിയുടെ സാന്നിധ്യം ലിവര്‍പൂളില്‍ വലിയ വ്യത്യാസമുണ്ടാക്കുമെന്നും ടീം ഘടനയില്‍ ഏത് പൊസിഷനിലും ഷാക്കിരിക്ക് കളിക്കാനാകുമെന്നും ലിവര്‍പൂള്‍ കോച്ച് ക്ലോച്ച് പറഞ്ഞിരുന്നു. അദ്ദേഹത്തിന്റെ വാക്കുകളെ ശരിവെക്കുന്നതായിരുന്നു കളത്തില്‍ ഷാക്കിരിയുടെ പ്രകടനം.
സാദിയോ മാനെ, ഡാനിയേല്‍ സ്റ്ററിഡ്ജ്, ഷെയി ഓജോ എന്നിവരാണ് ലിവര്‍പൂളിനായി ഗോള്‍ നേടിയത്. എന്നാല്‍ മാഞ്ചസ്റ്റര്‍ യുണൈറ്റഡില്‍ ആന്‍ഡ്രേസ് പെരേ ആണ് ടീമിനായി ഗോള്‍ നേടിയത്. പ്രീമിയര്‍ ലൈറ്റിങ് പുതിയ സീസണ്‍ ആരംഭിക്കാനിരിക്കെയാണ് മാഞ്ചെസ്റ്ററുടെ നാണം കെട്ട തോല്‍വി.
വീഡിയോ കാണാം
Jeez what a goal from Shaqiri ? Overhead kick against United on his debut just wow ??pic.twitter.com/aIVFzxSWYe
— Isbaa Akhtar (@isbaaakhtar_lfc) July 28, 2018