ശ്രീനഗര്‍: അമിത് ഷായുടെ സന്ദര്‍ശനത്തിനിടെ താന്‍ വീട്ടുതടങ്കലിലാണെന്ന വെളിപ്പെടുത്തലുമായി മുന്‍ മുഖ്യമന്ത്രിയും പി.ഡി.പി നേതാവുമായ മെഹ്ബൂബ മുഫ്തി. ട്വിറ്ററിലൂടെയായിരുന്നു ഇവരുടെ പ്രതികരണം. അമിത് ഷായുടെ കശ്മീര്‍ സന്ദര്‍ശനം രണ്ടാം ദിവസത്തിലേക്ക് അടുത്തതിന് പിന്നാലെയാണ് മെഹ്ബൂബ മുഫ്തിയുടെ പ്രതികരണം.
തന്റെ പാര്‍ട്ടി പ്രവര്‍ത്തകന്റെ വിവാഹ ചടങ്ങിനായി പോകാന്‍ ഇറങ്ങുമ്പോഴാണ് ഗെയ്റ്റ് പൂട്ടിയിട്ട നിലയില്‍ കണ്ടെത്തിയതെന്നും മുഫ്തി പറഞ്ഞു. ഇതിന്റെ ചിത്രവും ഇവര്‍ ട്വിറ്ററില്‍ പങ്കുവെച്ചിരുന്നു.
ഒരു മുന്‍ മുഖ്യമന്ത്രിയുടെ മൗലികാവകാശത്തിന് വിലങ്ങിടാന്‍ ഇത്രയെളുപ്പത്തില്‍ ഭരണകൂടത്തിന് സാധിക്കുമെങ്കില്‍ സാധാരണക്കാരന്റെ കാര്യം കഷ്ടമായിരിക്കുമെന്നും അവര്‍ ട്വിറ്ററില്‍ കുറിച്ചു.
While HM is going around Kashmir beating drums of normalcy,I am under house arrest for simply wanting to visit Pattan for a worker’s wedding.If an ex CM’s fundamental rights can be suspended so easily, one cant even imagine the plight of a commoner.@AmitShah@manojsinha_pic.twitter.com/5dYSfk8j1f
എന്നാല്‍ ശ്രീനഗര്‍ പൊലീസ് ഇത് നിഷേധിച്ചു. വിവാഹത്തിന് പോകാന്‍ മുഫ്തി നേരത്തെ അനുമതി തേടിയിരുന്നുവെന്നും ഇതിനാവശ്യമായ എല്ലാ നടപടികളും പൊലീസ് സ്വീകരിച്ചിട്ടുണ്ടെന്നും സംഘം പറഞ്ഞു. മെഹ്ബൂബ മുഫ്തിയുടെ പോസ്റ്റ് വന്നതിന് പിന്നാലെയാണിത്.
It is clarified that no restriction of any kind travel to pattan, travel to pattan was at 1 pm as intimated to us. The picture tweeted by her is of inside of the gate with own lock of residents who stay in the bunglow. There is no lock or any restrictions. She is free to travel. https://t.co/YMccUwDSh4pic.twitter.com/kG5Luhj7Bm
എന്നാല്‍ കഴിഞ്ഞ ദിവസം രാത്രിയോടെ തന്നെ പട്ടാനിലെ ചടങ്ങിലേക്ക് പോകാന്‍ സാധിക്കില്ലെന്ന് എസ്.പി തന്നെ അറിയിച്ചിരുന്നുവെന്നും അതിന് പിന്നാലെയാണ് ഗെയ്റ്റ് അടച്ചിരിക്കുന്നതെന്നും മെഹ്ബൂബ മുഫ്തി ട്വിറ്ററില്‍ കുറിച്ചു. നിയമം പരിരക്ഷേക്കണ്ടവര്‍ അവരുടെ ട്രാക്കുകള്‍ മറയ്ക്കാന്‍ വേണ്ടി ഇത്തരം പ്രവര്‍ത്തികള്‍ ചെയ്യുന്നത് ഖേദകരമാണെന്നും അവര്‍ പറഞ്ഞു.
I was informed last night by SP Baramulla @bhatray that I wouldn’t be allowed to travel to Pattan. Today @JmuKmrPolice have themselves locked my gates from inside & are now lying through their teeth. Sad that law enforcement agencies are brazenly trying to cover up their tracks. https://t.co/1giIjfy0eE
അതേസമയം ഇതിനെതിരേയും പ്രതികരണവുമായി പൊലീസ് രംഗത്തെത്തിയിട്ടുണ്ട്.
സന്ദര്‍ശനം ആസൂത്രണം ചെയ്യുന്നതിന് മുമ്പ് സുരക്ഷാ സംബന്ധമായ ചില ഇന്‍പുട്ടുകള്‍ അറിയിച്ചിരുന്നുവെന്നും ചടങ്ങില്‍ പങ്കെടുക്കാന്‍ താതപര്യമില്ലെങ്കില്‍ അതില്‍ തങ്ങള്‍ക്കൊന്നും ചെയ്യാനില്ലെന്നും പൊലീസ് കൂട്ടിച്ചേര്‍ത്തു.
Again reiterating you are free to go madam, official message has already been sent in this regards from PCR kashmir. There were certain security related inputs that were conveyed to you before planning visit as is routine. If you still don’t want to visit, we can’t help it madam. https://t.co/gAKAmVVGHO
Content Highlight: Worried about the plight of commoner in today’s rule says Mehbooba mufi, Mehboob again under home inprisonement amid amit shah’s visit to kashmir
