ഇംഗ്ലണ്ട് ആന്‍ഡ് വെയ്ല്‍സ് ക്രിക്കറ്റ് ബോര്‍ഡ് പ്രഖ്യാപിച്ച വേള്‍ഡ് ചാമ്പ്യന്‍ഷിപ്പ് ഓഫ് ലെജന്‍ഡ്‌സ് ടി-20യാണ് ഇപ്പോള്‍ ക്രിക്കറ്റ് ലോകത്തെ ചര്‍ച്ചാ വിഷയങ്ങളിലൊന്ന്.
ജൂലൈ മൂന്ന് മുതല്‍ 13 വരെ എഡ്ജ്ബാസ്റ്റണിലാണ് മത്സരം അരങ്ങേറുന്നത്. ഇംഗ്ലണ്ടിന് പുറമെ ലോകകപ്പ് ജേതാക്കളായ ഇന്ത്യ, പാകിസ്ഥാന്‍, വെസ്റ്റ് ഇന്‍ഡീസ്, ഓസ്‌ട്രേലിയ എന്നിവര്‍ക്കൊപ്പം സൗത്ത് ആഫ്രിക്കയും കളത്തിലിറങ്ങും.
ടൂര്‍ണമെന്റിനായി സൗത്ത് ആഫ്രിക്ക തങ്ങളുടെ സ്‌ക്വാഡ് പ്രഖ്യാപിച്ചിരിക്കുകയാണ്. കാലങ്ങളായി ടീമിന്റെ ഭാഗമായ ഇതിഹാസങ്ങളെ ഒന്നിച്ച് ഒരു ടീമാക്കിയാണ് പ്രോട്ടിയാസ് ടൂര്‍ണമെന്റിനിറങ്ങുന്നത്.
ഇക്കൂട്ടത്തിലെ പ്രധാന പേരുകാരന്‍ ക്രിക്കറ്റ് ചരിത്രത്തിലെ ഏറ്റവും മികച്ച ഓള്‍ റൗണ്ടര്‍മാരിലെ പ്രധാനിയായ ജാക് കാല്ലിസാണ്. ഒപ്പം ജീന്‍ പോള്‍ ഡുമ്‌നിയും ഹെര്‍ഷെല്‍ ഗിബ്‌സും അടക്കമുള്ള മറ്റ് സൂപ്പര്‍ താരങ്ങളും ടീമിന്റെ ബാറ്റിങ്ങില്‍ കരുത്താകും.
ടൂര്‍ണമെന്റിലെ ഏറ്റവും മികച്ച ബൗളിങ് നിരയിലൊന്നും സൗത്ത് ആഫ്രിക്കയുടേതാണ്. ഡെയ്ല്‍ സ്റ്റെയ്ന്, മഖായ എന്റിനി, വെര്‍നോണ്‍ ഫിലാണ്ടര്‍, ഇമ്രാന്‍ താഹിര്‍ എന്നിവരുള്‍പ്പെടുന്നതാണ് പ്രോട്ടിയാസിന്റെ ബൗളിങ് നിര.
വേള്‍ഡ് ചാമ്പ്യന്‍ഷിപ്പ് ഓഫ് ലെജന്‍ഡ്‌സ് 2024നുള്ള സൗത്ത് ആഫ്രിക്ക ചാമ്പ്യന്‍സ് സ്‌ക്വാഡ്
