ലോക ചാമ്പ്യന്‍ഷിപ്പില്‍ പുരുഷന്മാരുടെ ഷോട്ട്പുട്ടില്‍ സ്വര്‍ണ്ണം നേടിയിരിക്കുകയാണ് അമേരിക്കക്കാരനായ ജോ കൊവാക്സ്. ഭാര്യയായ ആഷ്ലിയുടെ പരിശീലനത്തിന് കീഴിലാണ് കൊവാക്സ് സ്വര്‍ണ്ണം നേടുന്നത്. വര്‍ഷങ്ങളായി കൊവാക്സിനെ പരിശീലിപ്പിക്കുന്നതും ഭാര്യ തന്നെയാണ്.

ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ

ശനിയാഴ്ച ഖത്തറില്‍ വെച്ചു നടന്ന ലോക അത്ലറ്റിക് ചാമ്പ്യന്‍ഷിപ്പിലാണ് പുരുഷവിഭാഗം ഷോട്ട്പുട്ടില്‍ കൊവാക്സ് സ്വര്‍ണ്ണം നേടുന്നത്. കൊവാക്സിന്റെ രണ്ടാം സ്വര്‍ണ്ണമാണിത്. 2008 ലെ ബെയ്ജിങ് ഒളിമ്പിക്സിലാണ് കൊവാക്സ് സ്വര്‍ണ്ണം നേടുന്നത്. 2016 ലെ ഒളിമ്പിക്സില്‍ വെള്ളിയും നേടി.

അവസാന റൗണ്ടില്‍ കൊവാക്സ് നടത്തിയ പ്രകടനമാണ് സ്വര്‍ണ്ണത്തിലേക്ക് എത്തിച്ചത്. 22.91 മീറ്റര്‍ ആണ് കൊവാക്സ് അവസാന റൗണ്ടില്‍ എറിഞ്ഞിട്ടത്. ഷോട്ട്പുട്ടില്‍ ഒളിമ്പിക് ചാമ്പ്യനായ ക്രൂസറിന്റെ 22.90 എന്ന റെക്കോര്‍ഡിനെ തകര്‍ത്തുകൊണ്ടാണ് കൊവാക്സ് സ്വര്‍ണ്ണം നേടിയത്. മത്സരത്തില്‍ ക്രൗസര്‍ വെള്ളി നേടി.

വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ

ഐ.എ.എ.എഫിനെ സംബന്ധിച്ച് 2019 ലെ ഷോട്ട്പുട്ട് മത്സരത്തില്‍ മികച്ച മുന്നേറ്റമാണ് ഉണ്ടായിട്ടുള്ളതെന്നും സംഘാടകര്‍ അറിയിച്ചു. നാലു മത്സരാര്‍ത്ഥികള്‍ ആദ്യ റൗണ്ടില്‍ തന്നെ 22 മീറ്ററിനു മുകളില്‍ എറിഞ്ഞിട്ടു.

മാസങ്ങള്‍ക്കുമുമ്പ് ഷോട്ട്പുട്ടില്‍ നിന്ന് വിരമിക്കാനൊരുങ്ങിയ കൊവാക്സിനെ ഭാര്യയായ ആഷ്ലി ലോകചാമ്പ്യന്‍ഷിപ്പില്‍ മത്സരിക്കാന്‍ നിര്‍ബന്ധിക്കുകയായിരുന്നു.

WATCH THIS VIDEO: