വടകരയിലും കാസര്‍ഗോഡും എല്‍.ഡി.എഫ് സ്ഥാനാര്‍ത്ഥി തോറ്റതോടെ അഷ്‌ക്കര്‍.കെ ബെറ്റില്‍ തോറ്റു. എന്നാല്‍ ഫേസ്ബുക്ക് സുഹൃത്തക്കളായ മൂന്നു പേരുടെയും തീരുമാനപ്രകാരം ബെറ്റില്‍ വെച്ച പണം മറ്റൊരു ഫേസ് ബുക്ക് സുഹൃത്തായ റാഫിയുടെ വൃക്ക മാറ്റിവയ്ക്കല്‍ ശസ്ത്രക്രിയയ്ക്ക് വേണ്ടി ചെലവഴിക്കാന്‍ തീരുമാനിക്കുകയായിരുന്നു. ഇതോടെ ഒന്നേക്കാള്‍ ലക്ഷം രൂപ സൂഹൃത്തിന്റെ അക്കൗണ്ടിലേക്ക് കൈമാറി.
നിയാസ് മലബാരി തന്നെയാണ് ഇക്കാര്യം ഫേസ്ബുക്കില്‍ പങ്കുവെച്ചത്. ഇനിയും എട്ട് ലക്ഷത്തോളം രൂപ ആവശ്യമുണ്ടെന്നും സഹായിക്കാന്‍ പറ്റുന്നവര്‍ സഹായിക്കണമെന്നും ആവശ്യപ്പെട്ട് അക്കൗണ്ട് ഡീറ്റൈല്‍സ് അടക്കം നിയാസ് ഫേസ്ബുക്കില്‍ പങ്കുവെച്ചു.
