[share]
[]ന്യൂദല്‍ഹി: കരോള്‍ബാഗില്‍ മോഷണം തടയാന്‍ ശ്രമിച്ച യുവതിയെ മോഷ്ടാവ് കുത്തിക്കൊലപ്പെടുത്തി. നോയിഡയില്‍ ഒരു സ്വകാര്യ സ്ഥാപനത്തില്‍ ജോലി ചെയ്യുന്ന സിമ്രന്‍ എന്ന യുവതിയാണ് ദാരുണമായി കൊലപ്പെട്ടത്.
ഏറെ നേരം പിന്തുടര്‍ന്നതിനു ശേഷം കയ്യിലുള്ള പേഴ്‌സ് തട്ടിപ്പറിയ്ക്കാനായി മോഷ്ടാവ് സിമ്രന്റെ കൈത്തണ്ട മുറിയ്ക്കുകയായിരുന്നുവെന്നും എന്നാല്‍ സിമ്രന്‍ വീണ്ടും എതിര്‍ത്തതിനെ തുടര്‍ന്ന് സിമ്രന്റെ നെഞ്ചില്‍ കത്തി കുത്തിയിറക്കുകയായിരുന്നുവെന്നുമാണ് പോലീസ് ഭാഷ്യം.
ബന്ധുവിനെ സന്ദര്‍ശിയ്ക്കാനായി നോയിഡയില്‍ നിന്ന് ഇന്നലെ വൈകുന്നേരമാണ് സിമ്രന്‍ വണ്ടി കയറിയതെന്ന് സിമ്രന്റെ ഭര്‍ത്താവ് പോലീസിനോട് പറഞ്ഞു.
7:30 ഓടു കൂടി വണ്ടിയിറങ്ങിയപ്പോള്‍ ഒരു ചെറുപ്പക്കാരന്‍ സിമ്രനെ പിന്തുടരുന്നത് സമീപത്തുള്ള സി.സി ടി.വിയില്‍ പതിഞ്ഞിട്ടുണ്ട്.
എന്നാല്‍ കൊലപാതകം നടത്തിയത് ഇയാളാണെന്ന് ഉറപ്പായിട്ടില്ല. സി.സിടിവി ദൃശ്യത്തിന്റെ അടിസ്ഥാനത്തിലാണ് പോലീസ് അന്വേഷണം ആരംഭിച്ചിരിയ്ക്കുന്നത്.