യൂട്യൂബിന്‍ തലപ്പത്തെ പെണ്‍ തിളക്കം
ഡൂള്‍ന്യൂസ് ഡെസ്‌ക്
Thursday, 6th February 2014, 11:48 pm
[]യൂട്യൂബിന്റെ തലപ്പത്തും പെണ്‍ തിളക്കം.
ഗുഗിള്‍ വൈസ് പ്രസിഡന്റായ സൂസന്‍ വോജ്‌സിക്കിയാണ് യൂട്യൂബിന്റേയും മേധാവിയായി നിയമിക്കപ്പെട്ടിരിയ്ക്കുന്നത്.
ഗൂഗിളില്‍ പരസ്യത്തിന്റേയും മാര്‍ക്കറ്റിങിന്റേയും ചുമതല വഹിയ്ക്കുന്നത് നിലവില്‍ സൂസനാണ്.
ഇന്റര്‍നെറ്റില്‍ തന്നെ ഏറ്റവും ഹിറ്റുള്ള വീഡിയോ സര്‍വീസുകളിലൊന്നായ യുട്യൂബിന്റെ സീനിയര്‍ വൈസ് പ്രസിഡന്റായിരുന്ന സാലന്‍ കമാന്‍ഗാറിനു പകരമായാണ് ഇപ്പോള്‍ സൂസന്‍ ചാര്‍ജെടുത്തിരിയ്ക്കുന്നത്.
സൂസനെ നിയമിച്ച കാര്യം ഗൂഗിള്‍ ഔദ്യോഗികമായി പുറത്തറിയിച്ചിട്ടില്ല. വാര്‍ത്താ ഏജന്‍സിയായ റോയിട്ടേഴ്‌സാണ് വിവരം പുറത്തറിയിച്ചിരിയ്ക്കുന്നത്.
ഗൂഗിളിന്റെ ആദ്യകാലം തൊട്ടേ സൂസന്‍ ഗൂഗിളിനൊപ്പമുണ്ടായിരുന്നു. 1998ല്‍ ഗൂഗിള്‍ ആരംഭിച്ചപ്പോള്‍ തൊട്ട് കമ്പനിയില്‍ ഉണ്ടായിരുന്ന സൂസന്‍ പല തസ്തികകളില്‍ ജോലി നോക്കിയിട്ടുണ്ട്.