കൊച്ചി: ഈ വര്‍ഷം ഏറ്റവും ഹിറ്റായ ഗാനങ്ങളില്‍ ഒന്നാണ് മധുരരാജയിലെ ‘മോഹമുന്തിരി വാറ്റിയ രാവ്’ എന്ന ഗാനം. ഗോപീ സുന്ദറിന്റെ സംഗീതത്തില്‍ സിതാര കൃഷ്ണ കുമാര്‍ ആലപിച്ച ഈ ഗാനം ഇപ്പോഴും ഹിറ്റ് ചാര്‍ട്ടുകളില്‍ ഉണ്ട്.
വിനോദയാത്രക്കിടെ ഒരു ഉമ്മ മോഹമുന്തിരി എന്ന ഗാനത്തിന് ചുവട് വെയ്ക്കുന്ന വീഡിയോ ആണ് ഇപ്പോള്‍ സോഷ്യല്‍ മീഡിയയില്‍ വൈറലാവുന്നത്. ഗോപീ സുന്ദര്‍ തന്നെയാണ് വീഡിയോ സോഷ്യല്‍ മീഡിയയില്‍ പങ്കുവെച്ചത്.
ഗായിക സിതാര കൃഷ്ണ കുമാറും, സംവിധായകന്‍ ഒമര്‍ ലുലുവും അടക്കമുള്ള നിരവധിപേര്‍ വീഡിയോയ്ക്ക് താഴെ അഭിനന്ദനങ്ങളുമായി എത്തിയിട്ടുണ്ട്. കഴിഞ്ഞ ഏപ്രിലിലാണ് മധുരരാജ തിയേറ്ററുകളില്‍ എത്തിയത്.
ഗോപി സുന്ദര്‍ ഈണമിട്ട്, ബി.കെ. ഹരിനാരായണന്‍ രചിച്ച വരികള്‍ പാടിയിരിക്കുന്നത് സിതാര കൃഷ്ണകുമാറാണ്. സണ്ണി ലിയോണ്‍ അഭിനയിച്ച ഈ ഗാനരംഗം യൂട്യൂബ് ട്രെന്റിംഗില്‍ ഒന്നാമതായിരുന്നു.
നെല്‍സണ്‍ ഐപ്പ് സിനിമാസിന്റെ ബാനറില്‍ നെല്‍സണ്‍ ഐപ്പ് നിര്‍മ്മിച്ച മധുരരാജ മലയാളത്തിന് പുറമേ തമിഴ്, തെലുങ്ക് ഭാഷകളിലായിട്ടാണ് പുറത്തിറങ്ങിയിരിക്കുന്നത്.
