പത്തൊന്‍പതുകാരി ഭര്‍തൃവീട്ടില്‍ മരിച്ച നിലയില്‍
ഡൂള്‍ന്യൂസ് ഡെസ്‌ക്
Tuesday, 27th December 2022, 11:55 am
കൊല്ലം: ഭര്‍തൃവീട്ടില്‍ യുവതിയെ തൂങ്ങിമരിച്ച നിലയില്‍ കണ്ടത്തി. കൊല്ലം ജില്ലയിലെ കുമ്മിള്‍ മണ്ണൂര്‍വിളാകത്ത് വീട്ടില്‍ പത്തൊന്‍പതുകാരിയായ ജന്നത്താണ് മരിച്ചത്. ചൊവ്വാഴ്ച പുലര്‍ച്ചെയോടെയാണ് ജന്നത്തിനെ ഭര്‍ത്താവിന്റെ വീട്ടിലെ കിടപ്പുമുറിയില്‍ മരിച്ച നിലയില്‍ കണ്ടെത്തിയത്. കടയ്ക്കല്‍ പൊലീസ് അസ്വാഭാവിക മരണത്തിന് കേസെടുത്തിട്ടുണ്ട്.
അഞ്ച് മാസം മുമ്പായിരുന്നു യുവതിയുടെ വിവാഹം. ഭര്‍ത്താവ് റാസിഫ് വിദേശത്താണ്. പുലര്‍ച്ചെ രണ്ട് മണിയോടെയാണ് സംഭവം നടന്നതെന്നതാണ് പ്രാഥമിക നിഗമനം.
