ഗര്‍ഭിണിയാവാന്‍ പൊക്കിള്‍ക്കൊടി കഴിച്ച 19കാരി മരിച്ചു
ഡൂള്‍ന്യൂസ് ഡെസ്‌ക്
Sunday, 19th December 2021, 3:04 pm
ഗുണ്ടൂര്‍: ആന്ധ്രാപ്രദേശില്‍ ഗര്‍ഭിണിയാവാന്‍ വേണ്ടി പൊക്കിള്‍ക്കൊടി കഴിച്ച 19കാരി മരിച്ചു. വെള്ളിയാഴ്ചയാണ് സംഭവം. ദാച്ചേപ്പള്ളി സ്വദേശിയാണ് മരിച്ചത്.
മൂന്ന് വര്‍ഷം മുമ്പാണ് യുവതിയുടെ വിവാഹം കഴിഞ്ഞത്. കഴിഞ്ഞ രണ്ട് വര്‍ഷമായി ഗര്‍ഭം ധരിക്കാന്‍ വേണ്ടി പല മരുന്നുകളും ഇവര്‍ പരീക്ഷിക്കുകയായിരുന്നു. പല നാടന്‍ മരുന്നുകളും ഇവര്‍ ഉപയോഗിച്ചിരുന്നു. പൊക്കിള്‍ക്കൊടി കഴിച്ചാല്‍ ഗര്‍ഭിണിയാകുമെന്ന് നാട്ടുകാരില്‍ ചിലര്‍ പറഞ്ഞതുപ്രകാരമാണ് യുവതി പൊക്കിള്‍ക്കൊടി കഴിച്ചത്.
