കൊല്ലത്ത് യുവതിയുടെ മരണം; സ്ത്രീധനത്തിന്റെ പേരിലുള്ള കൊലപാതകമാണെന്ന് ബന്ധുക്കള്‍; പൊലീസില്‍ പരാതി നല്‍കി
ഡൂള്‍ന്യൂസ് ഡെസ്‌ക്
Tuesday, 20th July 2021, 11:16 am
കൊല്ലം: കൊല്ലം ജില്ലയിലെ വിളക്കുടിയില്‍ ഭര്‍തൃവീട്ടില്‍ യുവതി മരിച്ച സംഭവം കൊലപാതകമാണെന്ന ആരോപണവുമായി ബന്ധുക്കള്‍.
ടോയ്‌ലറ്റില്‍ കഴുത്തില്‍ ഷാള്‍ മുറുക്കിയ നിലയിലാണ് ഇവരെ കണ്ടെത്തിയത്. ഭര്‍ത്താവ് കൊന്നതാണെന്ന് ആരോപിച്ച് കുടുംബം എസ്. പിയ്ക്ക് പരാതി നല്‍കി.
സ്ത്രീധനത്തിന്റെ പേരിലാണ് കൊലപാതകമെന്നാണ് കുടുംബത്തിന്റെ ആരോപണം. റെയില്‍വെ ഉദ്യോഗസ്ഥനായ ജോമോന്റെ ഭാര്യ ജയയെയാണ് വീട്ടിലെ കുളിമുറിയില്‍ മരിച്ച നിലയില്‍ കണ്ടെത്തിയത്.
തിങ്കളാഴ്ച ഉച്ചയോടെയായിരുന്നു സംഭവം. ജയയും ഭര്‍ത്താവും ഭര്‍ത്താവിന്റെ അമ്മയും തമ്മില്‍ സംഭവ ദിവസവും വാക്കേറ്റമുണ്ടായതായാണ് പറയുന്നത്. ഇവര്‍ തമ്മില്‍ പ്രശ്‌നങ്ങള്‍ ഉള്ളതായി അയല്‍വാസികളും പറയുന്നു.
