മയക്കുമരുന്നുമായി ബി.ഡി.എസ്. വിദ്യാർത്ഥിനി അറസ്റ്റിൽ

കോതമംഗലം: 55 ഗ്രാം ഹഷീഷുമായിബി.ഡി.എസ് വിദ്യാർഥിനിയെ എക്സൈസ് സംഘം പിടികൂടി. പത്തനംതിട്ട കോന്നി പ്രമാടം വലിയകാലായിൽ ശ്രുതിയാണ് എക്സൈസിന്റെ കസ്റ്റഡിയിലായത്.

Also Read കേന്ദ്രമന്ത്രി രാംദാസ് അത്താവലെയ്ക്ക് നേരെ ആക്രമണം; യുവാവിനെ അറസ്റ്റ് ചെയ്തു

മൂന്നാം വർഷ വിദ്യാർഥിനിയായ ശ്രുതി നെല്ലിക്കുഴിയിൽ പേയിങ് ഗെസ്റ്റായി താമസിച്ചാണു പഠിക്കുന്നത്. നെല്ലിക്കുഴി കേന്ദ്രീകരിച്ചു വിദ്യാർഥികൾക്കിടയിൽ ലഹരിവസ്തുക്കൾ വിതരണം ചെയ്യുന്നുണ്ടെന്ന രഹസ്യവിവരത്തെത്തുടർന്നു നടത്തിയ അന്വേഷണത്തിലാണു വിദ്യാർഥിനിയെ താമസസ്ഥലത്തുനിന്നു പിടികൂടിയത്.

Also Read കേന്ദ്രമന്ത്രി രാംദാസ് അത്താവലെയ്ക്ക് നേരെ ആക്രമണം; യുവാവിനെ അറസ്റ്റ് ചെയ്തു

തൃശൂരുള്ള തന്റെ സുഹൃത്തായ വിനുവാണു ലഹരിവസ്തുനൽകിയതെന്ന് ശ്രുതി എക്സൈസിന് മൊഴി നൽകി. ഇയാളെ കണ്ടെത്താൻ എക്സൈസ് അന്വേഷണം ആരംഭിച്ചു. വിനുവിനെ കണ്ടെത്തിയാൽ ലഹരി മാഫിയയെ സംബന്ധിച്ചു കൂടുതൽ വിവരങ്ങൾ ലഭിക്കുമെന്ന് അന്വേഷണത്തിനു നേതൃത്വം നൽകുന്ന എക്സൈസ് ഇൻസ്പെക്ടർ ടി.ഡി. സജീവൻ പറഞ്ഞു.