പ്രേക്ഷകരെ ആവേശം കൊള്ളിച്ച് ഇന്ദ്രന്‍സിന്റെ വിത്തിന്‍ സെക്കന്റ്‌സ് ട്രെയ്‌ലര്‍ പുറത്തിറങ്ങി. വിജേഷ് പി. വിജയന്‍ സംവിധാനം ചെയ്ത് മെയ് 12ന് തിയേറ്ററുകളില്‍ എത്തും. തന്ത്ര മീഡിയ റിലീസാണ് ചിത്രം തിയേറ്ററുകളില്‍ എത്തിക്കുന്നത്.
ബെംഗളൂരുവില്‍ നിന്നും വരുന്ന മൂന്ന് റൈഡര്‍മാര്‍ ഒരു ചെറിയ ഗ്രാമത്തിലെത്തി അവിടെ നിന്നും മൂന്ന് പേരെ പരിചയപ്പെടുന്നു. അങ്ങനെ ഇവര്‍ ആറു പേരും കൂടെ അപകട സാധ്യതയുള്ള ഒരു സ്ഥലത്തേക്ക് യാത്ര തിരിക്കുന്നു. അതില്‍ ഒരാള്‍ മാത്രം തിരിച്ചുവരികയും ബാക്കി അഞ്ച് പേരെ കാണാതാവുകയും ചെയ്യുന്നു. അവരെ കുറിച്ചുള്ള അന്വേഷണവും അതിനെ ചുറ്റിപറ്റി നടക്കുന്ന സംഭവവികാസങ്ങളും ആണ് കഥ എന്നാണ് ട്രെയ്‌ലര്‍ നല്‍കുന്ന സൂചന.
