'കാവേരി' ഒഴിയാതെ യെദിയൂരപ്പ, ഔദ്യോഗിക വസതി കിട്ടാത്തതിനാല്‍ 'വര്‍ക് ഫ്രം ഹോം' എടുത്ത് പുതിയ മുഖ്യമന്ത്രി
ഡൂള്‍ന്യൂസ് ഡെസ്‌ക്
Thursday, 12th August 2021, 2:05 pm
ബെംഗളൂരു: പുതുതായി നിയമിതനായ കര്‍ണാടക മുഖ്യമന്ത്രി ബസവരാജ് ബൊമ്മൈക്ക്
ഇതുവരെ ഔദ്യോഗിക വസതി ലഭിച്ചിട്ടില്ലെന്ന് റിപ്പോര്‍ട്ട്.
ആര്‍.ടി നഗറിലെ സ്വന്തം വീട്ടില്‍ നിന്നാണ് അദ്ദേഹം പ്രവര്‍ത്തിക്കുന്നതെന്നും രാവിലെ യോഗങ്ങള്‍ നടത്താന്‍ സര്‍ക്കാര്‍ ഗസ്റ്റ്ഹൗസ് കുമാര കൃപയാണ് ഉപയോഗിക്കുന്നതെന്നുമാണ് റിപ്പോര്‍ട്ട്.
കഴിഞ്ഞ മാസം മുഖ്യമന്ത്രി സ്ഥാനം രാജിവെച്ച ബി.എസ്. യെദിയൂരപ്പ ഔദ്യോഗിക വസതിയായ കാവേരിയില്‍ തുടരാന്‍ താല്‍പ്പര്യപ്പെട്ടതുകൊണ്ടാണ് ബസവരാജ അങ്ങോട്ട് മാറാത്തതെന്നാണ് വിവരം.
കര്‍ണാടക മുഖ്യമന്ത്രിമാര്‍ക്ക് സ്ഥിരമായി ഒരു ൗദ്യോഗിക വസതി സംസ്ഥാനത്ത് ഇല്ല. മുഖ്യമന്ത്രിമാര്‍ അവരുടെ വിശ്വാസത്തിനും വാസ്തുവിനും അടിസ്ഥാനമാക്കിയാണ് വസതി തെരഞ്ഞെടുക്കാറുള്ളത്.
