ബി.ജെ.പിയുടെ പ്രകടനപത്രികയില്‍ നിരവധി കാര്യങ്ങളുണ്ട്, കൂടുതല്‍ പ്രാധാന്യം നല്‍കുന്നത് 'ലവ് ജിഹാദി'നെതിരെയുള്ള നിയമത്തിന്: അമിത് ഷാ
ഡൂള്‍ന്യൂസ് ഡെസ്‌ക്
Friday, 26th March 2021, 5:12 pm
ഗുഹാവത്തി: ബി.ജെ.പി അധികാരത്തില്‍ എത്തിയാല്‍ ‘ലവ് ജിഹാദ’ നിര്‍ത്തിലാക്കുമെന്ന് കേന്ദ്രആഭ്യന്തരമന്ത്രി അമിത് ഷാ. അസമിലെ തെരഞ്ഞെടുപ്പ് റാലിയില്‍വെച്ചായിരുന്നു അമിത് ഷായുടെ പ്രസ്താവന.
ബി.ജെ.പിയുടെ പ്രകടനപത്രികയില്‍ നിരവധി കാര്യങ്ങളുണ്ട്. ലവ് ജിഹാദിനും ലാന്‍ഡ് ജിഹാദിനുമെതിരെ നിയമങ്ങള്‍ കൊണ്ടുവരാന്‍ ബി.ജെ.പി സര്‍ക്കാര്‍ പ്രവര്‍ത്തിക്കുമെന്നതാണ് അവയില്‍ ഏറ്റവും വലിയ കാര്യം,” അമിത് ഷാ പറഞ്ഞു.
അസമീസ് ജനതയുടെ ഭൂമിയുടെ അവകാശങ്ങള്‍ സംരക്ഷിക്കുന്നതിനായി ശക്തമായ നിയമവും കൊണ്ടുവരുമെന്നും തദ്ദേശിയരായ അസമികളുടെ ഭൂമിയുടെ അവകാശങ്ങള്‍ സംരക്ഷിക്കുമെന്നും ഈ വര്‍ഷം ആദ്യംസംസ്ഥാന സര്‍ക്കാര്‍ പറഞ്ഞിരുന്നു.
