'ഞാന്‍ പറഞ്ഞതില്‍ തെറ്റില്ല, പാക് അനുകൂല മുദ്രാവാക്യം വിളിച്ചാല്‍ വെടിവെക്കണം' വിവാദ പ്രസ്താവന ആവര്‍ത്തിച്ച് കര്‍ണാടക മന്ത്രി
ഡൂള്‍ന്യൂസ് ഡെസ്‌ക്
Monday, 2nd March 2020, 3:30 pm
ബെംഗളൂരു: പാക് അനുകൂല മുദ്രാവാക്യം വിളിക്കുന്നവരെ വെടിവെച്ചുകൊല്ലണമെന്ന വാദം ആവര്‍ത്തിച്ച് കര്‍ണാടക മന്ത്രി ബി.സി പാട്ടീല്‍
” ഞാന്‍ പറഞ്ഞതില്‍ തെറ്റൊന്നുമില്ല അതുകൊണ്ടുതന്നെ ഞാനെന്റെ വാദത്തില്‍ നിന്ന് പിന്നോട്ടുപോവില്ല. ഇന്ത്യക്കെതിരെ മുദ്രാവാക്യം വിളിക്കുന്നവരെ കാണുന്ന നിമിഷം വെടിവെച്ചുകൊല്ലാനുള്ള നിയമം നിര്‍മ്മിക്കാന്‍ ഞാന്‍ കേന്ദ്ര സര്‍ക്കാറിനോട് ആവശ്യപ്പെടും” പാട്ടീല്‍ പറഞ്ഞു.
രാജ്യത്തേയും ദേശസ്‌നേഹത്തേയും നശിപ്പിച്ച് ജനശ്രദ്ധ നേടിയെടുക്കുന്നത് ചെറുപ്പക്കാര്‍ക്കിടയില്‍ ഇപ്പോഴൊരു ഫാഷന്‍ ആയിട്ടുണ്ടെന്നും പാട്ടീല്‍ പറഞ്ഞു.
രാജ്യത്തിനെതിരെ മുദ്രാവാക്യം വിളിക്കുന്നവരെ വെടിവെക്കാനുള്ള നിയമം കൊണ്ടു വരുന്നതില്‍ ഒരുതെറ്റുമില്ലെന്നും പാട്ടീല്‍ പറഞ്ഞു.
നേരത്തെ ഈ ആവശ്യം ഉന്നയിച്ച് പാട്ടീല്‍ മോദിക്ക് കത്തെഴുതിയിരുന്നു.
