എന്തുകൊണ്ട് ഗ്യാങ്സ്റ്റര്‍ പരാജയപ്പെട്ടു; തുറന്നുപറഞ്ഞ് ആഷിഖ് അബു
എന്റര്‍ടെയിന്‍മെന്റ് ഡെസ്‌ക്
Saturday, 4th December 2021, 8:01 pm
കൊച്ചി: ആഷിഖ് അബുവിന്റെ സംവിധാനത്തില്‍ ഏറെ പ്രതീക്ഷയോടെ റിലീസായ മമ്മൂട്ടി ചിത്രമായിരുന്നു ഗ്യാങ്സ്റ്റര്‍. മമ്മൂട്ടി അധോലോക നായകനായി എത്തിയ ചിത്രം പക്ഷേ ബോക്‌സോഫീസില്‍ തകര്‍ന്നടിയുകയായിരുന്നു.
ഇപ്പോഴിതാ ചിത്രത്തിന്റെ പരാജയത്തിന്റെ കാരണം തുറന്നു പറയുകയാണ് ആഷിഖ് അബു. ടൈംസ് ഓഫ് ഇന്ത്യയ്ക്ക് നല്‍കിയ അഭിമുഖത്തിലാണ് ആഷിഖ് ഗ്യാങ്സ്റ്ററിന്റെ പരാജയ കാരണം തുറന്നുപറഞ്ഞത്.
ഒരു മമ്മൂട്ടി ചിത്രമെന്ന നിലയില്‍ ചിത്രത്തിനുമേല്‍ പ്രേക്ഷകര്‍ക്കുള്ള പ്രതീക്ഷ വളരെ വലുതായിരുന്നെന്നും ചിത്രത്തിന്റെ സ്റ്റില്ലുകളും ട്രെയ്‌ലറുകളും ഇത്തരം പ്രതീക്ഷകളെ വലിയ രീതിയില്‍ ഉയര്‍ത്തിയിരുന്നെന്നും ആഷിഖ് അബു പറഞ്ഞു.
