ഇത് മൂന്ന് പാര്‍ട്ടികള്‍ ഭരിക്കുന്ന സര്‍ക്കാരാണ്, അദ്ദേഹം നാലാമത്തെ പാര്‍ട്ടിയെ പ്രതിനിധീകരിക്കുന്നു; ഫഡ്‌നാവിസിനെ മുഖാമുഖം കണ്ട ഉദ്ദവ് താക്കറെ
ഡൂള്‍ന്യൂസ് ഡെസ്‌ക്
Friday, 30th July 2021, 6:26 pm
മുംബൈ: മഹാരാഷ്ട്ര മുഖ്യമന്ത്രി ഉദ്ദവ് താക്കറെയും പ്രതിപക്ഷ നേതാവ് ദേവേന്ദ്ര ഫഡ്നാവിസും അപ്രതീക്ഷിതമായി കണ്ടുമുട്ടി.
പ്രളയബാധിത പ്രദേശങ്ങള്‍ സന്ദര്‍ശിക്കുന്നതിനിടെയാണ് കൊല്‍ഹാപൂര്‍ നഗരത്തില്‍ വെച്ച് ഇവര്‍ പരസ്പരം കണ്ടുമുട്ടിയത്.
ബി.ജെ.പിയുമായുള്ള സഖ്യം ഉപേക്ഷിച്ചാണ് ശിവസേന കോണ്‍ഗ്രസിനും എന്‍.സി.പിക്കും ഒപ്പം ചേര്‍ന്ന് സര്‍ക്കാര്‍ ഉണ്ടാക്കിയത്.
എന്നാല്‍ പ്രളയ ബാധിത മേഖലയില്‍ എത്തിയ ഇരുവരും രാഷ്ട്രീയം മറന്നുപ്രവര്‍ത്തിക്കുമെന്ന് പറഞ്ഞു.
” എനിക്കറിയാമായിരുന്നു അദ്ദേഹം ഇവിടെ ഉണ്ടാകുമെന്ന്. ഞാനും ഇവിടെ വരുന്നതുകൊണ്ട് അദ്ദേഹത്തോട് കാത്തുനില്‍ക്കാന്‍ പറഞ്ഞിരുന്നു. ഞങ്ങള്‍ ജനങ്ങളെ സഹായിക്കാനാണ് പ്രവര്‍ത്തിക്കുന്നത്. ഇതില്‍ രാഷ്ട്രീയമില്ല,” താക്കറെ പറഞ്ഞു.
