ക്യാച്ച് നഷ്ടപ്പെടുത്തിയതിന് റെയ്‌നയോട് പൊട്ടിത്തെറിച്ച് ജഡേജ; പഴയ വീഡിയോ കുത്തിപ്പൊക്കി ക്രിക്കറ്റ് പ്രേമികള്‍
സ്പോര്‍ട്സ് ഡെസ്‌ക്
Sunday, 4th July 2021, 2:12 pm
മുംബൈ: ഇന്ത്യന്‍ ക്രിക്കറ്റ് ആരാധകരില്‍ ഒരുപോലെ ഫാന്‍ബേസ് ഉള്ള താരങ്ങളാണ് സുരേഷ് റെയ്‌നയും രവീന്ദ്ര ജഡേജയും. ഐ.പി.എല്ലില്‍ ചെന്നൈ സൂപ്പര്‍ കിംഗ്‌സിലെ താരങ്ങള്‍ കൂടിയ ഇരുവരും മികച്ച ഫീല്‍ഡര്‍മാരുമാണ്.
ഇപ്പോഴിതാ ഇരുവരും തമ്മിലുള്ള പഴയ വാക്‌പോരിന്റെ വീഡിയോയാണ് സോഷ്യല്‍ മീഡിയയില്‍ വീണ്ടും ചര്‍ച്ചയാകുന്നത്.
2013 ലെ ത്രിരാഷ്ട്ര ക്രിക്കറ്റ് ടൂര്‍ണ്ണമെന്റിനിടെയായിരുന്നു സംഭവം. വെസ്റ്റ് ഇന്‍ഡീസ്, ശ്രീലങ്ക ടീമുകളായിരുന്നു ഇന്ത്യയെക്കൂടാതെ ടൂര്‍ണ്ണമെന്റിലുണ്ടായിരുന്നത്.
ഇതില്‍ വിന്‍ഡീസിനെതിരായ മത്സരത്തിനിടെയായിരുന്നു റെയ്‌ന-ജഡേജ പോര്. ജഡേജയുടെ പന്തില്‍ സുനില്‍ നരേയ്‌നിന്റെ ക്യാച്ച് റെയ്‌ന നഷ്ടപ്പെടുത്തിയിരുന്നു.
