ജയ കരഞ്ഞപ്പോള്‍ കൂടെ കരഞ്ഞ് പീലി; ഇതില്‍ കൂടുതല്‍ എന്താണ് വേണ്ടതെന്ന് വീഡിയോ പങ്കുവെച്ച് ബേസില്‍
എന്റര്‍ടെയിന്‍മെന്റ് ഡെസ്‌ക്
Sunday, 30th October 2022, 9:58 am
ബേസില്‍ ജോസഫ്, ദര്‍ശന രാജേന്ദ്രന്‍ എന്നിവര്‍ കേന്ദ്രകഥാപാത്രങ്ങളായ ജയ ജയ ജയ ജയഹേ എന്ന ചിത്രത്തിന് മികച്ച പ്രതികരണമാണ് ലഭിച്ചുകൊണ്ടിരിക്കുന്നത്. വിപിന്‍ ദാസ് സംവിധാനം ചെയ്ത ചിത്രം ഒക്ടോബര്‍ 28നാണ് തിയേറ്ററുകളിലെത്തിയത്.
തിയേറ്ററില്‍ ജയ ജയ ജയ ജയഹേ കണ്ട് കരയുന്ന ഒരു കുട്ടിയുടെ വീഡിയോ പങ്ക് വെച്ചിരിക്കുകയാണ് ബേസില്‍ ജോസഫ്. തിയേറ്ററില്‍ വെച്ച് സ്‌ക്രീനില്‍ ദര്‍ശന അവതരിപ്പിച്ച ജയയുടെ കഥാപാത്രം കരയുമ്പോള്‍ കൂടെ വിതുമ്പി കരയുകയാണ് പീലി എന്ന കുട്ടി.
നടനും എഴുത്തുകാരനുമായ ആര്യന്‍ ഗിരിജാവല്ലഭന്റെ മകളാണ് പീലി. ആര്യന്‍ തന്റെ സോഷ്യല്‍ മീഡിയയില്‍ പോസ്റ്റ് ചെയ്തതാണ് ഈ വീഡിയോ. ജയ കരഞ്ഞപ്പോള്‍ പീലി കൂടെ കരഞ്ഞു എന്നാണ് വീഡിയോയില്‍ കുറിച്ച വാക്കുകള്‍.
