ന്യൂദല്‍ഹി: മുന്‍ പ്രധാനമന്ത്രി മന്‍മോഹന്‍ സിങ്ങിന്റെ വിനയത്തെ പ്രശംസിച്ച് പാക്കിസ്ഥാന്‍ വിദേശകാര്യമന്ത്രി ഷാ മെഹ്മൂദ് ഖുറേഷി. കര്‍ത്താര്‍പൂര്‍ ഇടനാഴിയുടെ ഉദ്ഘാടന ചടങ്ങിന്റെ ഭാഗമായി മന്‍മോഹന്‍ സിങ്ങിനെ കണ്ടുമുട്ടിയപ്പോഴായിരുന്നു 1990 കളില്‍ സിങ്ങുമായി നടത്തിയ കൂടിക്കാഴ്ച ഓര്‍മ്മിച്ച് മന്ത്രി രംഗത്തെത്തിയത്.
തന്റെ അരികില്‍ ഇരുന്ന മന്‍മോഹന്‍ സിങ്ങിനെ അഭിസംബോധന ചെയ്തുകൊണ്ട് മാധ്യമപ്രവര്‍ത്തകരോട് സംസാരിച്ച ഷാ മെഹ്മൂദ് ഖുറേഷി 90കളില്‍ മുന്‍ ഇന്ത്യന്‍ പ്രധാനമന്ത്രിയെ കണ്ട സന്ദര്‍ഭത്തെ കുറിച്ച് വാചാലനാവുകയായിരുന്നു..
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ
മന്‍മോഹന്‍ സിങ്ങിന്റെ വീട് സന്ദര്‍ശിച്ചപ്പോഴുള്ള അനുഭവമായിരുന്നു അദ്ദേഹം പങ്കുവെച്ചത്. അന്ന് സിങ്ങിന്റെ ഭാര്യ ഉണ്ടാക്കിയ ചായ താന്‍ കുടിച്ചെന്നും മന്‍മോഹന്‍ സിങ് തന്നെയായിരുന്നു അന്ന് തനിക്കായി ചായ കൊണ്ടുവന്ന് തന്നതെന്നും ഖുറേഷി പറഞ്ഞു.
Shah Mahmood Qureshi, Manmohan Singh ko yaad karwa rahay hain main apkay ghar aya tha, aap ne mujhe chai apnay hath se di.
Moral of the story: Tea was fantastic. pic.twitter.com/JaiCmTTBq0
— Naila Inayat नायला इनायत (@nailainayat) November 9, 2019
”ഞാന്‍ നിങ്ങളുടെ വീട് സന്ദര്‍ശിച്ചു. ബീഗം അന്ന് എനിക്കായി ചായ ഉണ്ടാക്കി. മന്‍മോഹന്‍ സിങ് തന്നെ ആ ചായ എനിക്ക് കൊണ്ടുവന്നു തന്നു. തിരിച്ച് നാട്ടിലെത്തിയ ഞാന്‍ ഈ കഥ എന്റെ ജനങ്ങളോട് വിവരിച്ചു. എത്ര വലിയ മനുഷ്യന്‍”- എന്നായിരുന്നു ഖുറേഷിയുടെ വാക്കുകള്‍.
