ബി.ജെ.പി ജയിച്ചാല്‍ കര്‍ഷകരുടെ അക്കൗണ്ടിലേക്ക് നേരിട്ട് പതിനെട്ടായിരം; ബംഗാളില്‍ അമിത് ഷായുടെ പുതിയ വാക്ക്
ഡൂള്‍ന്യൂസ് ഡെസ്‌ക്
Thursday, 25th March 2021, 5:29 pm
കൊല്‍ക്കത്ത: ബംഗാള്‍ തെരഞ്ഞെടുപ്പില്‍ വിജയിക്കാന്‍ പുതിയ വാഗ്ദാനവുമായി കേന്ദ്രആഭ്യന്തരമന്ത്രി അമിത് ഷാ. തെരഞ്ഞെടുപ്പില്‍ ജയിച്ചാല്‍ സംസ്ഥാനത്തെ കര്‍ഷകരുടെ ബാങ്ക് അക്കൗണ്ടുകളിലേക്ക് നേരിട്ട് 18000 രൂപ ട്രാന്‍സ്ഫര്‍ ചെയ്യുമെന്നാണ് അമിത് ഷായുടെ പ്രഖ്യാപനം.
പൊതുമേഖലയില്‍ സ്ത്രീകള്‍ക്ക് 33 ശതമാനം ജോലി ഉറപ്പാക്കുമെന്നും സംസ്ഥാനത്ത് എല്ലാ സ്ത്രീകള്‍ക്കും പൊതുഗതാഗതം സൗജന്യമായിരിക്കുമെന്നും അമിത് ഷാ അവകാശപ്പെട്ടു.
‘ദീദി ഡെങ്കിയുടേയും, മലേറിയയുടേയും സുഹൃത്തിനെപ്പോലെയാണ്. ഡെങ്കി, മലേറിയ എന്നിവയില്‍ നിന്ന് മുക്തി നേടണമെങ്കില്‍ നിങ്ങള്‍ ബി.ജെപിക്ക് വോട്ട് ചെയ്യണം.’അമിത് ഷാ പറഞ്ഞു.
