ബംഗാളില്‍ ചാക്കിട്ടുപിടുത്തം തുടര്‍ന്ന് ബി.ജെ.പി; ദിനേശ് തൃവേദി ബി.ജെ.പിയില്‍
ഡൂള്‍ന്യൂസ് ഡെസ്‌ക്
Saturday, 6th March 2021, 3:25 pm
ന്യൂദല്‍ഹി: മുന്‍ കേന്ദ്രമന്ത്രിയും തൃണമൂല്‍ കോണ്‍ഗ്രസിന്റെ രാജ്യസഭാ എം.പിയുമായിരുന്ന ദിനേഷ് ത്രിവേദി ബിജെപിയില്‍ ചേര്‍ന്നു. പാര്‍ട്ടി അധ്യക്ഷന്‍ ജെ.പി. നദ്ദയുടെ സാന്നിധ്യത്തിലായിരുന്നു ബിജെപി പ്രവേശം.
ഫെബ്രുവരിയില്‍ ത്രിവേദി രാജ്യസഭാംഗത്വം രാജിവച്ചിരുന്നു. തൃണമൂല്‍ ഇപ്പോള്‍ മമത ബാനര്‍ജിയുടെ കൈവശം അല്ലെന്നാരോപിച്ചായിരുന്നു രാജി.
ഇത് തനിക്ക് ലഭിച്ച സുവര്‍ണാവസരം ആണെന്നാണ് ബി.ജെ.പിയില്‍ ചേര്‍ന്നതിനെക്കുറിച്ച് തൃവേദി പ്രതികരിച്ചത്. കുറേനാളായി ഈ അവസരത്തിന് വേണ്ടി താന്‍ കാത്തിരിക്കുകയായിരുന്നെന്നും തന്റെ ആശയങ്ങളില്‍ നിന്ന് വ്യതി ചലിച്ചിട്ടില്ലെന്നും തൃവേദി പറഞ്ഞു.
