കാല് കാണിക്കാന്‍ ബര്‍മുഡ; മമതയെ അധിക്ഷേപിച്ച ബി.ജെ.പി അധ്യക്ഷന് മറുപടിയുമായി മഹുവ
ഡൂള്‍ന്യൂസ് ഡെസ്‌ക്
Wednesday, 24th March 2021, 5:51 pm
ന്യൂദല്‍ഹി: ബംഗാള്‍ മുഖ്യമന്ത്രി മമതാ ബാനര്‍ജിയെ അധിക്ഷേപിച്ച ബി.ജെ.പി അധ്യക്ഷന് ദിലീപ് ഘോഷിന് മറുപടിയുമായി തൃണമൂല്‍ കോണ്‍ഗ്രസ് നേതാവ് മഹുവ മൊയ്ത്ര. കാല് വ്യക്തമായി കാണിക്കണമെങ്കില്‍ സാരിയല്ല ഉടുക്കേണ്ടത് ബര്‍മുഡയാണ് ഇടേണ്ടതെന്നായിരുന്നു ദിലീപ് ഘോഷിന്റെ വിവാദ പരാമര്‍ശം.
ഇത്തരം ദുഷിച്ച ചിന്തകള്‍ ഉള്ള കുരങ്ങന്മാര്‍ ബംഗാള്‍ തെരഞ്ഞെടുപ്പില്‍ ജയിക്കുമെന്ന് കരുതുന്നുണ്ടോയെന്ന് മഹുവ ചോദിച്ചു.
” മമതാ ദീദി സാരി ധരിക്കുന്നത് എന്തുകൊണ്ടാണെന്ന് ബി.ജെ.പി അധ്യക്ഷന് പൊതുയോഗത്തില്‍ ചോദിക്കുന്നു, അവരുടെ കാല് നന്നായി കാണിക്കണമെങ്കില്‍ ”ബെര്‍മുഡ” ഷോര്‍ട്ട്‌സ് ധരിക്കണം എന്നുപറയുന്നു.
ഈ വികട കുരങ്ങന്മാര്‍ ബംഗാളില്‍ വിജയിക്കുമെന്ന് കരുതുന്നുണ്ടോ?” അവര്‍ പറഞ്ഞു.
