അമേരിക്കയില്‍ നമ്മള്‍ തന്നെ അധികാരത്തില്‍ വരും; വൈറ്റ് ഹൗസ് വിട്ട ശേഷം ആദ്യത്തെ പൊതുപരിപാടിയില്‍ പങ്കെടുത്ത് ട്രംപ്
ഡൂള്‍ന്യൂസ് ഡെസ്‌ക്
Sunday, 27th June 2021, 4:33 pm
വാഷിംഗ്ടണ്‍: പ്രസിഡന്‍ഷ്യല്‍ തെരഞ്ഞെടുപ്പ് പരാജയത്തിന് ശേഷം പൊതുവേദിയിലെത്തി റാലിയില്‍ പങ്കെടുത്ത് ഡൊണാള്‍ഡ് ട്രംപ്. അടുത്ത തെരഞ്ഞെടുപ്പില്‍ അമേരിക്കയുടെ ഭരണം തിരിച്ചു പിടിക്കുമെന്നും ശനിയാഴ്ച ഒഹിയോയില്‍ വെച്ച് നടന്ന റാലിയില്‍ ട്രംപ് പറഞ്ഞു.
കഴിഞ്ഞ പ്രസിഡന്‍ഷ്യല്‍ തെരഞ്ഞെടുപ്പില്‍ തന്നെ പരാജയപ്പെടുത്തിയത് ചതിയിലൂടെയാണെന്ന് ട്രംപ് റാലിയില്‍ പറഞ്ഞു. വൈറ്റ് ഹൗസ് വിട്ടതിന് ശേഷം ട്രംപ് ആദ്യമായി പങ്കെടുക്കുന്ന പൊതുപരിപാടിയാണ് ഇത്.
‘രണ്ട് തവണ വിജയിച്ചിട്ടുണ്ടെങ്കില്‍ നമ്മള്‍ മൂന്നാം തവണയും വിജയം കൈവരിക്കും,’ ട്രംപ് പറഞ്ഞു.
2016ലെ തെരഞ്ഞെടുപ്പില്‍ ഹിലരി ക്ലിന്റണോട് വിജയിച്ച ട്രംപ് 2020ല്‍ ബൈഡനോട് പരാജയപ്പെടുകയായിരുന്നു.
