'ക്ഷമിക്കണം,കറുത്തവംശത്തില്‍പ്പെട്ട എഡിറ്റര്‍മാര്‍ക്ക് ഇടം നല്‍കുന്നതില്‍ പരാജയപ്പെട്ടു'; ജീവനക്കാരോട് മാപ്പ് പറഞ്ഞ് യു.എസ് വോഗ് എഡിറ്റര്‍ ഇന്‍ ചീഫ്
ഡൂള്‍ന്യൂസ് ഡെസ്‌ക്
Friday, 12th June 2020, 2:55 pm
വാഷിംഗ്ടണ്‍: അമേരിക്കയില്‍ വംശീയ വിവേചനത്തിനെതിരെയുള്ള പ്രതിഷേധങ്ങള്‍ ശക്തിപ്പെട്ടുവരികയാണ്. ജോര്‍ജ് ഫ്‌ളോയിഡിന്റെ കൊലപാതകത്തെ അപലപിച്ചും അമേരിക്കയില്‍ കാലങ്ങളായി തുടര്‍ന്നുകൊണ്ടിരിക്കുന്ന വംശീയ വിവേചനത്തെ വിമര്‍ശിച്ചും നിരവധിപേര്‍ രംഗത്തെത്തിയിരുന്നു.
ഇപ്പോള്‍ ജീവനക്കാരോട് ക്ഷമാപണം നടത്തി രംഗത്തെത്തിയിരിക്കുകയാണ് യു.എസ് വോഗിന്റെ എഡിറ്റര്‍ ഇന്‍ ചീഫായ അന്ന വിന്റോര്‍. അറിയാതെ ഏതെങ്കിലും തരത്തിലുള്ള വര്‍ണവിവേചനം ഉണ്ടായിട്ടുണ്ടെങ്കില്‍ ക്ഷമിക്കണമെന്നാണ് അന്ന ജീവനക്കാര്‍ക്ക് അയച്ച ഇ-മെയിലില്‍ പറയുന്നത്.
