'ഞങ്ങള്‍ക്കും അസുഖം വരുമോ എന്ന് ഭയമുണ്ട്'; മഹാരാഷ്ട്രയില്‍ ഐസോലെഷനില്‍ കഴിയുന്നവരുടെ വസ്ത്രങ്ങള്‍ അലക്കാന്‍ ബുദ്ധിമുട്ടുണ്ടെന്ന് തൊഴിലാളികള്‍, സുരക്ഷയില്‍ ആശങ്ക
ഡൂള്‍ന്യൂസ് ഡെസ്‌ക്
Thursday, 19th March 2020, 2:04 pm
യാവത്മാള്‍: മഹാരാഷ്ട്ര സര്‍ക്കാര്‍ മെഡിക്കല്‍ കോളേജില്‍ കൊവിഡ് 19 നിരീക്ഷണത്തില്‍ കഴിയുന്നവരുടെ വസ്ത്രമലക്കാന്‍ ആളുകളില്ല. വൈറസ് ബാധ ഉണ്ടാവുമോ എന്ന ഭയത്തില്‍ തൊഴിലില്‍ നിന്നും വിട്ടുനില്‍ക്കുകയാണ് തൊഴിലാളികള്‍. സര്‍ക്കാര്‍ മെഡിക്കല്‍ കോളേജില്‍ മൂന്ന് കൊവിഡ് 19 രോഗികളാണ് ഉള്ളത്. മറ്റുള്ളവര്‍ നിരീക്ഷണത്തിലാണ്.
ഐസൊലേഷന്‍ വാര്‍ഡില്‍ കഴിയുന്നവരുടെ ബെഡ് ഷീറ്റും കര്‍ട്ടനുകളും വസ്ത്രങ്ങളും അലക്കാനായി നല്‍കിയപ്പോഴാണ് തങ്ങള്‍ക്ക് തുണികള്‍ കൈകാര്യം ചെയ്യാന്‍ ഭയമുണ്ടെന്നും വസ്ത്രം അലക്കുന്നതിലൂടെ വൈറസ് ബാധ ഉണ്ടാകുമോ എന്ന് ഭയപ്പെടുന്നുണ്ടെന്നും തൊഴിലാളികള്‍ അറിയിച്ചത്.
