ഇന്ത്യന്‍ സിനിമയെക്കുറിച്ച് ഞങ്ങള്‍ക്കറിയില്ല, എന്നാല്‍ അത് പൂര്‍ണമായും ഞങ്ങളുടെ തെറ്റല്ല; അക്കാദമി പ്രസിഡന്റ് ജോണ്‍ ബെയ്‌ലി
എന്റര്‍ടെയിന്‍മെന്റ് ഡെസ്‌ക്
Monday, 27th May 2019, 7:52 am
ന്യൂദല്‍ഹി: ഇന്ത്യന്‍ സംസ്‌കാരം ലോകത്തോട് വിളിച്ചു പറയുന്ന സിനിമകള്‍ നിര്‍മിക്കപ്പെടണമെന്ന് അക്കാദമി ഓഫ് മോഷന്‍ പിക്ചര്‍ ആര്‍ട്‌സ് ആന്റ് സയന്‍സ് പ്രസിഡന്റ് ജോണ്‍ ബെയ്‌ലി. ഇന്ത്യന്‍ ചലച്ചിത്രങ്ങളെക്കുറിച്ച് അക്കാദമിക്കുള്ള അറിവ് പരിമിതമാണെന്നും, എന്നാല്‍ ഇതിന്‍റെ ഉത്തരവാദികള്‍ തങ്ങള്‍ മാത്രമല്ലെന്നും ബെയ്‌ലി പറയുന്നു.
എനിക്ക് പറയാനുള്ളത് ഇന്ത്യന്‍ സിനിമയെക്കുറിച്ച് ഞങ്ങള്‍ക്ക് അറിയില്ല എന്നാണ്. ഇത് പൂര്‍ണമായും ഞങ്ങളുടെ മാത്രം തെറ്റുമല്ല. കാരണം നിങ്ങള്‍ എന്താണെന്ന് തെളിയിക്കുന്ന കൂടുതല്‍ ചിത്രങ്ങള്‍ ഇന്ത്യ നിര്‍മിക്കേണ്ടിയിരിക്കുന്നു. ലോകം അത് കാണുന്നുണ്ടെന്ന് ഉറപ്പു വരുത്തുകയും ചെയ്യുക’- മുംബൈയില്‍ സംസാരിക്കവേ ബെയ്‌ലി പറഞ്ഞു.
