'പൂനെയിലേക്കോ ഗോവയിലേക്കോ പോയില്ല,ബി.ജെ.പിയില്‍ നിന്ന് ഓഫറും ഇല്ല'; എല്ലാം കിംവദന്തികളാണെന്ന് രാജിവെച്ച എം.എല്‍.എ
ഡൂള്‍ന്യൂസ് ഡെസ്‌ക്
Tuesday, 9th July 2019, 7:25 pm
ബെംഗളൂരു: വിമത എം.എല്‍.എമാരുടെ രാജിയെ തുടര്‍ന്ന് അനിശ്ചിതത്വത്തിലായിരിക്കുകയാണ് കര്‍ണ്ണാടക രാഷ്ട്രീയം.
10 കോണ്‍ഗ്രസ് എം.എല്‍. എമാരും 3 ജെ.ഡി.എസ് എം.എല്‍ എ മാരുമാണ് രാജി സമര്‍പ്പിച്ചത്. എന്നാല്‍ രാജി നല്‍കിയ നിയമസഭാംഗങ്ങള്‍ ഗോവയിലേക്കോ പൂനെയിലേക്കോ പോയില്ലെന്നും അത്തരം വാര്‍ത്തകളെല്ലാം അഭ്യൂഹങ്ങളാണെന്നും പറഞ്ഞ് രംഗത്തെത്തിയിരിക്കുകയാണ് കോണ്‍ഗ്രസ് വിമത എം.എല്‍.എ ബി.സി പാട്ടീല്‍.
”ഞങ്ങള്‍ പൂനെയിലേക്കോ ഗോവയിലേക്കോ പോയില്ല. ഇതെല്ലാം കിംവദന്തികളാണ്, ”അദ്ദേഹം പറഞ്ഞു.
ഇതോടൊപ്പം ആര്‍ക്കും തന്നെ ബി.ജെ.പിയില്‍ നിന്ന് ഓഫറുകളൊന്നും ലഭിച്ചിട്ടില്ലെന്നും അത്തരം അവകാശവാദങ്ങളെല്ലാം തികച്ചും തെറ്റാണെന്നും പറഞ്ഞു.
