ഞങ്ങള്‍ അസ്വസ്ഥരാണ്; നിസാരകാര്യങ്ങള്‍ പോലും വഷളാക്കിയത് കോണ്‍ഗ്രസ് നേതാക്കള്‍; വിമര്‍ശനവുമായി ഷിബു ബേബി ജോണ്‍
ഡൂള്‍ന്യൂസ് ഡെസ്‌ക്
Saturday, 19th December 2020, 12:02 pm
തിരുവനന്തപുരം: തദ്ദേശ സ്ഥാപനങ്ങളിലേക്കുള്ള തെരഞ്ഞെടുപ്പിലെ തിരിച്ചടിക്ക് പിന്നാലെ കോണ്‍ഗ്രസിനെതിരെ വിമര്‍ശനവുമായി ആര്‍.എസ്.പി നേതാവ് ഷിബു ബേബി ജോണ്‍.
സഖ്യ കക്ഷിയെന്ന നിലയില്‍ ആര്‍.എസ്.പി അസ്വസ്ഥരാണെന്നും ഷിബു ബേബി ജോണ്‍ എഷ്യാനെറ്റ് ന്യൂസിനോട് പ്രതികരിച്ചു. തോല്‍വിയുടെ കാരണം പരിശോധിച്ചാല്‍ ഏതെങ്കിലും ഒരു വ്യക്തിയുടെ കുറ്റമാണെന്ന് പറയില്ല ഒരു സംവിധാനത്തിന്റെ തന്നെ പ്രശ്‌നമാണെന്ന് അദ്ദേഹം പറഞ്ഞു.
ലീഗിന്റെ ഭാഗത്തോ, ആര്‍.എസ്.പിയുടെ ഭാഗത്തോ തെറ്റുകള്‍ ഉണ്ടോ എന്ന് ചര്‍ച്ച ചെയ്ത് തീരുമാനിക്കാം പക്ഷേ യു.ഡി.എഫിലെ മുഖ്യകക്ഷിയെന്ന നിലയില്‍ കോണ്‍ഗ്രസ് ഇടപ്പെട്ട് പരിഹരിക്കേണ്ടതുണ്ട് എന്നും അദ്ദേഹം പറഞ്ഞു.
