ഇന്ത്യയുടെ സിംബാബ്‌വേ പര്യടനത്തിലെ മൂന്നാം മത്സരത്തില്‍ വിജയിച്ച് ഇന്ത്യ പരമ്പരില്‍ ലീഡ് നേടിയിരുന്നു. ആദ്യ മത്സരം പരാജയപ്പെട്ട ശേഷമായിരുന്നു ഇന്ത്യയുടെ തിരിച്ചുവരവ്.
23 റണ്‍സിനായിരുന്നു ഇന്ത്യയുടെ വിജയം. ഇന്ത്യ ഉയര്‍ത്തിയ 183 റണ്‍സിന്റെ വിജയലക്ഷ്യം പിന്തുടര്‍ന്നിറങ്ങിയ സിംബാബ്‌വേക്ക് നിശ്ചിത ഓവറില്‍ ആറ് വിക്കറ്റ് നഷ്ടത്തില്‍ 159 റണ്‍സ് മാത്രമാണ് നേടാന്‍ സാധിച്ചത്.
വാഷിങ്ടണ്‍ സുന്ദറിന്റെ തകര്‍പ്പന്‍ ബൗളിങ് പ്രകടനത്തിന് പിന്നാലെയാണ് ഇന്ത്യ മത്സരം പിടിച്ചടക്കിയത്. നാല് ഓവറില്‍ 15 റണ്‍സ് മാത്രം വഴങ്ങി മൂന്ന് വിക്കറ്റാണ് താരം സ്വന്തമാക്കിയത്. ഈ പ്രകടനത്തിന് പിന്നാലെ കളിയിലെ താരമായി തെരഞ്ഞെടുക്കപ്പെട്ടതും സുന്ദറിനെ തന്നെയായിരുന്നു. ടി-20ഐയില്‍ താരത്തിന്റെ ആദ്യ പുരസ്‌കാര നേട്ടമാണിത്.
ഇതിന് പുറമെ ഒരു മോശം റെക്കോഡും താരത്തെ തേടിയെത്തി. ടി-20ഐയില്‍ ആദ്യ പ്ലെയര്‍ ഓഫ് ദി മാച്ച് പുരസ്‌കാരം ലഭിക്കാന്‍ ഏറ്റവുമധികം മത്സരങ്ങള്‍ കളിക്കേണ്ടി വന്ന താരമെന്ന മോശം നേട്ടമാണ് താരം സ്വന്തമാക്കിയത്. കുട്ടിക്രിക്കറ്റില്‍ ഇന്ത്യക്കായി കളത്തിലിറങ്ങിയ 46ാം മത്സരത്തിലാണ് വാഷിങ്ടണിന് ആദ്യമായി പ്ലെയര്‍ ഓഫ് ദി മാച്ച് പുരസ്‌കാരം ലഭിക്കുന്നത്.
ടി-20 ഫോര്‍മാറ്റില്‍ ഇന്ത്യക്കായി പി.ഒ.ടി.എം നേടിയ താരങ്ങള്‍
(താരം – ആദ്യ പി.ഒ.ടി.എം പുരസ്‌കാരം ലഭിച്ച മത്സരം എന്നീ ക്രമത്തില്‍)
എന്നാല്‍ ഈ പ്ലെയര്‍ ഓഫ് ദി മാച്ച് പുരസ്‌കാര നേട്ടത്തിന് പിന്നാലെ ഒരു മോശം ലിസ്റ്റില്‍ നിന്ന് പുറത്തുകടക്കാനും വാഷിങ്ടണ്ണിനായി. ഏറ്റവുമധികം മത്സരം കളിച്ചിട്ടും ഒറ്റ തവണ പോലും പ്ലെയര്‍ ഓഫ് ദി മാച്ച് പുരസ്‌കാരം നേടാന്‍ സാധിക്കാതെ പോയ ഇന്ത്യന്‍ താരങ്ങളുടെ പട്ടികയില്‍ നിന്നുമാണ് സുന്ദര്‍ ‘രക്ഷപ്പെട്ടത്’.
ഏറ്റവുമധികം ടി-20ഐ മത്സരം കളിച്ചിട്ടും ഒറ്റ തവണ പോലും പി.ഒ.ടി.എം പുരസ്‌കാരം നേടാന്‍ സാധിക്കാതെ പോയ താരങ്ങള്‍
