പാകിസ്ഥാന്‍ ഫാസ്റ്റ് ബൗളര്‍ ഷഹീന്‍ അഫ്രീദിയുടെ പരിക്ക് ഇന്ത്യന്‍ ബാറ്റര്‍മാരായ രോഹിത് ശര്‍മക്കും വിരാട് കോഹ്‌ലിക്കും കെ.എല്‍. രാഹുലിനും ആശ്വാസമാണെന്ന് മുന്‍ പാകിസ്ഥാന്‍ താരം വഖാര്‍ യൂനിസ്.
കാല്‍മുട്ടിനേറ്റ പരിക്കില്‍ നിന്നും മോചിതനാകാന്‍ സാധിക്കാത്തത് കാരണം വരാനിരിക്കുന്ന ഏഷ്യാ കപ്പില്‍ ഷഹീന്‍ അഫ്രീദിക്ക് പങ്കെടുക്കാനാവില്ല. ഇക്കാര്യത്തെക്കുറിച്ച് പ്രതികരിക്കുകയായിരുന്നു പാകിസ്ഥാന്റെ മുന്‍ ക്യാപ്റ്റനും ഫാസ്റ്റ് ബൗളറുമായ യൂനിസ്.
”ഇന്ത്യയുടെ ടോപ് ഓര്‍ഡര്‍ ബാറ്റര്‍മാര്‍ക്ക് ഷഹീന്‍ അഫ്രീദിയുടെ പരിക്ക് വലിയ ആശ്വാസമാണ്. ഷഹീനെ 2022 ഏഷ്യാ കപ്പില്‍ കാണാന്‍ സാധിക്കില്ല എന്നത് സങ്കടകരമായ കാര്യമാണ്. പെട്ടെന്ന് പരിക്കില്‍ നിന്ന് മോചിതനായി തിരിച്ചുവരൂ ചാമ്പ്യന്‍,” വഖാര്‍ യൂനിസ് ട്വിറ്ററില്‍ കുറിച്ചു.
Shaheen’s injury Big relief for the Indian top order batsmen. Sad we won’t be seeing him in #AsiaCup2022 Get fit soon Champ @iShaheenAfridi pic.twitter.com/Fosph7yVHs
— Waqar Younis (@waqyounis99) August 20, 2022
രോഹിത് ശര്‍മ, വിരാട് കോഹ്‌ലി, കെ.എല്‍. രാഹുല്‍ എന്നീ ഇന്ത്യന്‍ ടോപ് ഓര്‍ഡര്‍ ബാറ്റര്‍മാരെക്കുറിച്ചായിരുന്നു യൂനിസിന്റെ പരാമര്‍ശം.
