വിശ്വാസ് മെഹ്ത കേരളത്തിന്റെ പുതിയ ചീഫ് സെക്രട്ടറി
ഡൂള്‍ന്യൂസ് ഡെസ്‌ക്
Wednesday, 27th May 2020, 11:15 am
തിരുവനന്തപുരം: കേരളത്തിന്റെ അടുത്ത ചീഫ് സെക്രട്ടറിയായി ആഭ്യന്തര അഡീഷണല്‍ ചീഫ് സെക്രട്ടറി ഡോ. വിശ്വാസ് മെഹ്തയെ തെരഞ്ഞെടുത്തു. മന്ത്രിസഭായോഗത്തിന്റേതാണ് തീരുമാനം.
നിലവിലെ ചീഫ് സെക്രട്ടറി ടോം ജോസ് ഈ മാസം 31 ന് വിരമിക്കുന്ന പശ്ചാത്തലത്തിലാണ് സര്‍ക്കാര്‍ പുതിയ ചീഫ് സെക്രട്ടറിയെ തെരഞ്ഞെടുത്തത്. 1986 ബാച്ച് ഐ.എ.എസുകാരനാണ് ഡോ. വിശ്വാസ് മെഹ്ത. അദ്ദേഹത്തിന് അടുത്ത വര്‍ഷം ഫെബ്രുവരി വരെ സര്‍വീസുണ്ട്.
ആഭ്യന്തര അഡീഷണല്‍ ചീഫ് സെക്രട്ടറി എന്ന നിലയില്‍ മുഖ്യമന്ത്രി പിണറായി വിജയനുമായി അടുത്ത ബന്ധമുള്ളതും ഡോ. വിശ്വാസ് മെഹ്തയ്ക്ക് അനുകൂല ഘടകമായി. രാജസ്ഥാനിലെ ദുംഗാപൂര്‍ സ്വദേശിയാണ്.
