കണ്ണൂര്‍: വനിതാ ദിനത്തില്‍ വനിതാ കൂട്ടായ്മകള്‍ക്ക് 50 ശതമാനം വരെ ഓഫറുകളുമായി കണ്ണൂര്‍ പറശ്ശിനിക്കടവിലെ വിസ്മയ അമ്യൂസ്മെന്റ് പാര്‍ക്ക്.
വനിതാ ദിനത്തില്‍ പ്രീ ബുക്കിംഗ് മുഖാന്തരം വനിതാ സംഘടനയില്‍ നിന്നുള്ള പത്തോ അധിലധികമോ അംഗങ്ങളുള്ള ഗ്രൂപ്പുകള്‍ക്ക് വിസ്മയയുടെ ടിക്കറ്റില്‍ 50 ശതമാനം ഇളവ് നല്‍കും. വനിതാ കൂട്ടായ്മയുടെ ലെറ്റര്‍ പാഡുമായി വരുന്ന 10 പേരില്‍ കൂടുതലുള്ളവര്‍ക്കും 50 ശതമാനം ഓഫര്‍ നല്‍കുന്നുണ്ട്.
‘എന്തുകൊണ്ട് ആണ്‍കുട്ടികള്‍ മാത്രം എല്ലാം ആസ്വദിക്കണം? വിസ്മയ ത്രില്ലിന്റെയും സാഹസികതയുടെയും ഒരു ലോകമാണ് വാഗ്ദാനം ചെയ്യുന്നത്, ഒപ്പം എല്ലാവര്‍ക്കും ശരിക്കും ആസ്വദിക്കാന്‍ കഴിയുന്ന ഒരു സുരക്ഷിത ഇടവുമാണിത്,’ വിസ്മയ അമ്യൂസ്മെന്റ് പാര്‍ക്ക് ഇന്‍സ്റ്റഗ്രാം പോസ്റ്റിലൂടെ പറഞ്ഞു.
കണ്ണൂരില്‍ നിന്ന് 18 കിലോമീറ്ററും തളിപ്പറമ്പില്‍ നിന്ന് 8 കിലോമീറ്ററും ദൂരത്തില്‍ പറശ്ശിനിക്കടവിലാണ് പാര്‍ക്ക്.
2000ത്തില്‍ സ്ഥാപിതമായ ഒരു സഹകരണ സ്ഥാപനമായ മലബാര്‍ ടൂറിസം ഡവലപ്മെന്റ് കൊ-ഓപ്പറേറ്റീവ് ലിമിറ്റഡ് എന്ന സ്ഥാപനത്തിന്റെ മേല്‍നോട്ടത്തിലാണ് പാര്‍ക്കിന്റെ പ്രവര്‍ത്തനങ്ങള്‍.
